8 Shilde, 16:05 481 0 Jahan Anar LEPESOVA

Qytaıdan kek alý: AQSh-ta TikTok-ty qoldanýǵa tyıym salynýy múmkin

AQSh kóshbasshysy Donald Tramp óz ákimshiligi el aýmaǵynda TikTok qosymshasyn qoldanýǵa tyıym salý máselesin qarastyryp jatqanyn málimdedi. Aq úı basshysynyń aıtýynsha, bul – Qytaıdan koronavırýs pandamııasy úshin kek alý joldarynyń biri, dep jazady Fortune.

– Iá, biz TikTok qosymshasynyń qoldanysyna tyıym salýǵa nıettimiz. Bul – úlken bıznes. Pandemııanyń aýqymyn kórip otyrmyz. Qytaıdyń bizdiń elimizge, búkil álemge istegeni – soraqylyq, – dedi Tramp jýrnalıst Greta Van Sasterenge bergen suhbatynda.

AQSh prezıdentiniń sózinshe, TikTok-qa tyıym salý – Qytaı bıligine «jaýapty soqqy» berýdiń kóp tásiliniń biri ǵana.

Eske sala keteıik, buǵan deıin Tramp koronavırýsty der kezinde aýyzdyqtaı almaǵany úshin Aspan asty elin jazalaýdyń bir nusqasy retinde Qytaımen qarym-qatynasty birjola úzýdi usynǵan.

Aq úı basshysynyń aıtýynsha, budan AQSh-tyń utary kóp bolmaq. AQSh kóshbasshysynyń esebine súıensek, Qytaımen qarym-qatynas úzilse, Vashıngton 500 mlrd dollar únemdeı alady.

Sońǵy jańalyqtar