8 Shilde, 13:34 418 0 Jańalyqtar Anar LEPESOVA

460 qazaqstandyq kásiporyn jumysshylaryna ýaqtyly jalaqy tólemegen

Jyl basynan beri memlekettik eńbek ınspektorlary 17 myńnan astam jumysshynyń quqyǵyn qorǵady. Bul týraly QR Eńbek jáne halyqty áleýmettik qorǵaý mınıstrligi habarlady.

Bıylǵy 1 shildedegi jaǵdaı boıynsha, respýblıkanyń 460 kásipornynda 18,3 myń jumyskerge 1,9 mlrd teńgeden astam somaǵa jalaqy tólenbegeni anyqtalǵan. Memlekettik eńbek ınspektorlary atalǵan kásiporyndardyń basshylaryna 315 uıǵarym berip, 41,5 mln teńgeden astam somaǵa aıyppul salǵan.

«Qabyldanǵan sharalar, onyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 17 myńnan astam qyzmetkerdiń quqyqtary qorǵaldy. Olarǵa 1,78 mlrd teńge jalaqy tólendi. Jalpy, aǵymdaǵy jylǵy qańtar-maýsym aılarynda memlekettik eńbek ınspektorlary 1,9 myń tekserý júrgizip, QR eńbek zańnamasyn buzýdyń 3 myń faktisin anyqtady jáne 91,8 mln teńge kóleminde aıyppul salyndy», - delingen mınıstrlik habarlamasynda.

 

Sońǵy jańalyqtar