8 Shilde, 10:06 418 0 Nur Otan Anar LEPESOVA

Birgemiz: Alakól aýdanyna 2 jedel járdem kóligi berildi

Astana kúnin aımaqtar da atap ótti. Meıramda Almaty oblysyna qarasty Alakól aýdanyna 2 jedel járdem kóliginiń kilti tabystaldy.

Shara barysynda «Nur Otan» qataryna kirgen bir top jasqa partııa bıleti tabystalyp, bir erikti «Halyq alǵysy» tós belgisimen marapattaldy, dep habarlaıdy "Astana" arnasy.

Saltanatty sharaǵa oblys ákiminiń orynbasary Batyrjan Baıjumanov pen oblystyq partııa fılıalynyń birinshi orynbasary Janbolat Jórgenbaev qatysty.

"Birgemiz qorynyń atynan bizdiń Jetisý óńirine 40 myńnan astam adamǵa 2 mlrd.tan astam qarajat tórt tolqynmen bólindi. Bul jerde bizdiń barlyq qala, aýdandarymyz qamtyldy. Jeti sanattaǵy muhtaj adamdarǵa tizim jasalynyp, solardyń barlyǵyna atalǵan qarajat tolyǵymen taratylyp berildi", - deıdi «Nur Otan» partııasynyń Almaty oblystyq fılıaly tóraǵasynyń birinshi orynbasary Janbolat Jórgenbaev.

Al, Taldyqorǵandaǵy oblystyq aýrýhanaǵa sý jańa reanomobıl berildi. Ol, jergilikti kásipkerler kómegimen alynǵan. Qapshaǵaıdaǵy ortalyq aýrýhanaǵa bolsa, kólikpen birge quny 8 mln. teńgelik 1900 ekspress test tabystaldy. Al, Eńbekshiqazaq aýdanyndyq aýrýhanasyna bolsa 53 mln. teńgelik jyljymaly zerthana satyp alyndy.

Sońǵy jańalyqtar