8 Shilde, 09:38 575 0 Jahan Anar LEPESOVA

Izraıl qatań karantınge qaıta oraldy

Izraılde koronavırýs órship barady. Elde 32 myńnan astam adam indet juqtyryp, qaterli vırýstan 342 adam kóz jumdy.

Indettiń alǵashqy tolqynynda táýligine shamamen 500 naýqas tirkelse, búginde kún saıyn myńnan astam adamnan koronavırýs anyqtalyp jatyr.

Epıdemıologııalyq jaǵdaı ýshyqqan soń Izraıl bıligi qalalardy karantınge jaýyp, qatań shekteýler engizdi. Sarapshylar vırýs endi beleń alǵan shaqtaǵy karantındik rejımge aýysqan durys dep esepteıdi.

Jaı kúnderi saıabaqtarda 6 myńdaı adam serýendese, budan bylaı onda eshkim aıaq baspaıdy. Úkimet sheshimimen saıajaılar, ózge de qoǵamdyq oryndar ýaqytsha jabylady. Dámhanalar, klýbtar men sport zaldar, basseınder de jumysyn toqtatty. Meıramhanalarda 20 adamnan artyq adam jınalýǵa tyıym salyndy. Shaǵyn jáne orta bıznes ókilderi bul shekteýler ekonomıkany turalatady dep dabyl qaqqanymen, el úkimeti indettiń taralýyn toqtatýdyń basqa joly joq ekenin alǵa tartyp otyr.

Izraıl aýrýhanalarynda azdy-kópti oryn bar. Alaıda mamandar az ýaqyttan keıin oryn tapshylyǵy paıda bolady dep alańdaýly. Sebebi jaǵdaı kúnnen-kúnge kúrdelenip barady. Paıentter medıınalyq qyzmetti saǵattap kútýge májbúr. Keı qalalarda shekteý rejımi engizilgen, ıaǵnı arnaıy ruqsat qaǵaz boıynsha ǵana qalaǵa kirip-shyǵa alady. Qoǵamdyq kólikterde de júrý erejesi qatańdatylǵan. Shildeniń shilińgir ystyǵynda kondııonerdi qosýǵa ruqsat joq, ári jolaýshylar sany 20 adamnan aspaýy tıis.

Izraıl bıligi jappaı karantın merzimine qatysty naqty sheshim qabyldaǵan joq. Úkimet aýrýdyń taralý deńgeıine baılanysty áreket etpek.

 

Sońǵy jańalyqtar