7 Shilde, 12:21 4838 0 Jańalyqtar Asyl TUMAR

Dári-dármekti on ese qymbatqa satqan emhana basshysy ustaldy

Densaýlyq saqtaý mınıstri Alekseı oı óńirlerde dári-dármekti qymbatqa satatyn alypsatarlardyń áreketine qalaı shekteý qoıylyp jatqanyn aıtyp berdi, – dep jazdy QazAqparat.

«Búgingi kúni Qazaqstannyń barlyq óńirinde ákimdikter janynan monıtorıng toptary quryldy. Qoǵamdyq keńester men úkimettik emes uıymdar da dári-dármek baǵasyn baqylaý jumysyna belsene atsalysýda. Olardyń bári memleket bekitken shekti baǵany qadaǵalaıdy. Baǵa kóterý jaǵdaılary bar. Sonymen qatar bizge quqyq qorǵaý organdary da kóp kómek kórsetýde. IIM qazirgi tańda Qazaqstannyń barlyq óńirinde aýqymdy tekseristi bastady. Birneshe kúngi tekseristerde áleýmettik jelilerdegi dári-dármek pen maskalardyń spekýlıantty saýdasyna basa mán berildi», – dedi mınıstr búgin OKQ-da ótken baspasóz máslıhatynda.

Onyń aıtýynsha dári-dármekti qymbatqa qaıta satýdyń birneshe jaǵdaıy tirkelgen.

«Máselen, dárihanalardyń qyzmetkerleri medıkamentterdi sóreden cheksiz satqan. Osynyń saldarynan azamattar negizsiz qymbat baǵaǵa dárini satyp alýǵa májbúr bolǵan. 6 shildede elordada quqyq qorǵaýshylar «Toıota» markaly kólikti ustady. Onyń bagajy medıkamentterge toly bolǵan. Álgi azamat 1 mıllıon teńge paıda taýyp, dári-dármekti qymbattata satpaq bolǵan. Avtokólikte 689 dáriniń qaptamasy bary anyqtaldy. Shymkentte tipti, bir áıel dárini óz úıinde otyryp satqan. Tekseris barysynda úıden ártúrli medıkamentterdiń 229 túri (10459 qaptama) anyqtaldy. Osy dárilerdiń bári de JRVI-dy emdeýge arnalǵan dáriler. Mundaı preparattar antısanıtarııalyq jaǵdaıda saqtalǵan», – dedi ol.

Sol sekildi Jetisaı qalasynda EF III preparatynyń 336 qaptamasyn bir adamǵa satý (400 myń teńgege) jaǵdaıy tirkelip otyr. Bul preparattar qaladaǵy dárihanalardyń birine satylmaq bolǵan.

«Atyraýda medıkamentter tipti, kosmetologııalyq klınıkada satylǵan. Quqyq qorǵaýshylar dáriniń osylaısha lıenzııasyz satylyp jatqanyn anyqtady. Zańsyz saýdany klınıkanyń basshysy uıymdastyrǵan. Onymen qoımaı, ol dári baǵasy resmı shekten birneshe ese kóp bolǵan. Máselen 5 myń teńgelik Ingavırın úsh ese qymbatqa, al Paraetamol tipti, 10 ese artyq baǵamen qymbatqa satylǵan. Klınıkadan 5 myń qaptama tárkilendi», – dedi ol.

Sońǵy jańalyqtar