6 Shilde, 20:10 400 0 Jańalyqtar Asyl TUMAR

«Qazirgi zamanǵy qazaqstandyq memlekettiliktiń qalyptasýy jáne damýy» kitabynyń tanystyrý rásimi ótti

Joǵarǵy Sottyń Tóraǵasy Jaqyp Asanov «Qazirgi zamanǵy qazaqstandyq memlekettiliktiń qalyptasýy jáne damýy» atty kitaptyń aǵylshyn nusqasyn tanystyrý rásiminde sóz sóıledi.

Onlaın-tusaýkeserdi «Astana» halyqaralyq qarjy ortalyǵy Nursultan Nazarbaev qorymen birlesip, Qazaqstannyń Tuńǵysh Prezıdentiniń mereıtoıyna oraı uıymdastyrdy. Joǵarǵy Sot Tóraǵasy aǵylshyn tildi aýdıtorııa úshin basylym bizdiń memlekettiligimizdiń qalyptasýy men Elbasynyń róli týraly eń shynaıy aqparat kózi bolatynyna senim bildirdi.

Spıker Bas prokýratýrany basqarǵan tustaǵy prokýratýranyń damý kezeńderi, onyń ókilettiligin júzege asyrý qaǵıdattary jáne taǵy basqalary týraly aıtyp berdi.

J.Asanov toqyraýǵa túsken 90-shy jyldary memlekettiń qalyptasýy kezinde Elbasy erik-jigerimen qylmysqa qarsy kúresti basqarǵanyn aıtty. Kún saıyn quqyq qorǵaý organdary onyń aldynda esep berdi, bul jaǵdaıdy jaqsartý úshin jasalǵan.

«Osynyń arqasynda bizde qylmys sany turaqty túrde azaıýda. Mine, 24 jyl qatarynan asa qaýipti qylmystardy azaıtýdyń turaqty úrdisi júrip jatyr. Bul kisi óltirý, densaýlyqqa aýyr zııan keltirý, qaraqshylyq. Dál osy qylmys túrleri boıynsha eldegi qaýipsizdikke baǵa beriledi. Búginde eń qolaıly 80-jyldarmen salystyrǵanda kisi ólimi eki ese az, biraq halyq sany 25 paıyzǵa ósti», – dep atap ótti ol.

Eger 90-shy jyldary túrmelerde 100 myń adam otyrsa, qazir 3 ese az – 30 myń, eger buryn túrmedegilerdiń sany boıynsha álemdik kóshbasshylar úshtiginde bolsaq, búginde – júzdiktiń sanatyndamyz.

«Munyń bári Elbasynyń júrgizip otyrǵan qylmystyq saıasatynyń nátıjesi. Osynyń arqasynda Qazaqstanda ómir súrý jáne jumys isteý jyl saıyn qaýipsiz bola túsýde. Biraq bul barlyq adamdarǵa baıqalmaıdy. Nelikten? Óıtkeni bári ashyq. Internet. Kún saıyn bireýdi uryp-soǵyp, tonap jatady. Árbir qylmysty barsha jurt talqylaıdy. Sondyqtan da qylmys sany joǵary sııaqty bolyp kórinedi. Al buryn bul týraly eshkim bilmegen», – dep sanaıdy spıker.

Joǵarǵy Sot Tóraǵasy zańnamany izgilendirý mysaly retinde sot sankııasynsyz adamdy ustaý ýaqytyn 72 saǵattan 48 saǵatqa, al kámeletke tolmaǵandardy ustaý ýaqytyn 24 saǵatqa qysqartýdy atady. Ol advokatýranyń ókilettigin keńeıtý, tergeý áreketterin ońtaılandyrý jáne quqyq qorǵaý júıesin ıfrlandyrý týraly aıtty. Sol jyldardyń jetistikteri retinde sotqa deıingi is júrgizý barysynda jedel sot baqylaýy mindeti bar tergeý sýdıasy ınstıtýtyn engizý, prokýratýranyń óz ókilettikteriniń bir bóligin sotqa berýi jáne prokýratýranyń jáne azamattyq proesterge qatysýyn qysqartý atap ótildi.

«Biz bárimiz elimizde bolyp jatqan ózgeristerdiń kýágerimiz. Olar bizdiń respýblıkamyzdyń áleýmettik baǵytyn kórsetedi. Búgingi tańda adam qoǵamnyń eń joǵary qundylyǵy retinde birinshi orynda. Osyndaı kórnekti tulǵamen jumys isteýge múmkindigi bolǵan úshin taǵdyrǵa óz rızashylyǵyn aıta otyryp, bul saıasatty Elbasy eń basynan bastap – «Qazaqstan-2030» ulttyq strategııasynan bastady», – dedi J.Asanov.

Tusaýkeser barysynda Nursultan Nazarbaev Qorynyń atqarýshy dırektorynyń orynbasary Igor Rogov, AHQO basqarýshysy Qaırat Kelimbetov, Konstıtýııalyq Keńestiń múshesi Ýnzıla Shapaq, Latvııa Konstıtýııalyq Sotynyń Tóraǵasy Ineta Zıemele, Ádilet mınıstri Marat Beketaev, AHQO HAO tóraǵasy Barbara Domann, AHQO Akademııalyq Keńesiniń múshesi Baqytjan Ábdiraıym jáne Ǵylym akademııasynyń akademıgi, fılolog Sherýbaı Qurmanbaıuly sóz sóıledi.

«Qazirgi zamanǵy qazaqstandyq memlekettiliktiń qalyptasýy jáne damýy» atty kitapta Elbasynyń egemendi Qazaqstannyń qazirgi zamanǵy memlekettiligin bekitý men nyǵaıtýdaǵy róli aıqyn kórinis tapqan. Basylym Elbasynyń basshylyǵymen oryn alǵan eldiń qalyptasý jáne damý proesteri, memleketti basqarý ınstıtýttaryn qalyptastyrý jáne jańǵyrtý kezeńderi týraly baıandaıdy. N. Nazarbaevtyń kitaptarynan qoǵamdy biriktirýshi qundylyqtar týraly úzindiler, qazaqstandyq konstıtýıonalızm teorııasy jáne Ata zańnyń qalyptasý tarıhy, Ult kóshbasshysy sózderiniń úzindileri, Elbasynyń basshylyǵymen ár ýaqytta jumys istegen memlekettik qyzmetkerler men ǵalymdardyń maqalalary usynyldy.

Joǵarǵy Sottyń baspasóz qyzmeti

Sońǵy jańalyqtar