6 Shilde, 18:01 399 0 Jańalyqtar Asyl TUMAR

Alakól men Balqash týrısterdi qabyldaı beredi – ákimdik

Almaty oblysyndaǵy Alakól men Balqash jaǵalaýyndaǵy jaǵajaılar men demalys oryndary sanıtarlyq talaptardy saqtaı otyryp jumysyn jalǵastyra beredi.

Alakól kólinde karantın merziminde de sýǵa shomylý maýsymy jalǵasa beredi. Degenmen demalys oryndary barlyq qajetti sanıtarlyq jáne dezınfekııalyq sharalardy kúsheıtýi kerek.

«Alakóldiń Almaty oblysyndaǵy jaǵalaýyna kelgen týrısterden koronavırýsqa baılanysty arnaıy anyqtama talap etilmeıdi. Biraq demalys oryndaryna 2 metrlik ara qashyqtyqty saqtaý syndy birneshe talap qoıylǵan. Bul talaptar týrısterge túsindiriledi. Eń bastysy atalǵan demalys aımaǵy óz jumysyn jalǵastyra beredi», – dedi Almaty oblysy ákiminiń baspasóz hatshysy Ǵalymurat Júkel.

Qazir Alakól jaǵalaýynda 250 pansıonat, qonaq úıler, demalys bazasy men aımaqtary, saýyqtyrý lagerleri men qonaq úıler jumys isteıdi. Táýliktik syıymdylyǵy 23,5 myń adamnan asady. Bul Almaty oblysynyń týrıstik obektileriniń jalpy sanynyń 30%. Taǵy úsh jańa demalys ortalyǵy ashylyp, týrıstik ınfraqurylymnyń 15 nysanyn paıdalanýǵa berý josparlanǵan.

Sońǵy jańalyqtar