5 Shilde, 21:03 527 0 Jańalyqtar Asyl TUMAR

Dári-dármek baǵasyn arnaıy top tekseredi

Sýret ınternetten alyndy
Sýret ınternetten alyndy

QR Premer-Mınıstriniń orynbasary Eraly Toǵjanov dárihanadaǵy dári baǵasyn arnaıy top tekseretinin aıtty.

«Halyqty tolǵandyratyn negizgi máseleler az emes. Degenmen, negizgi másele -dári-dármekpen qamtamasyz etý. Qazaqstanda 8 myńnan astam dárihana bar. Otandyq óndiris esebinen olardyń barlyǵyn 30 paıyz deńgeıinde qamtamasyz etip otyrmyz. Qalǵany syrttan ımport esebinen ákelinedi. Sonymen qatar Memleket basshysynyń tapsyrmasyna sáıkes, naryqty qajetti dári-dármekpen qamtamasyz etý úshin Úkimet tarapynan birqatar sharalar qabyldanady. Atap aıtqanda, bir táýlik ishinde dárilik zattardy ákelýge birjolǵy ruqsat berýge ótinim qaralýda. Dári-dármekti sertıfıkattaý jáne sertıfıkat berýdiń jedeldetilgen rásimderi qoldanyldy», – dedi Eraly Toǵjanov Ortalyq kommýnıkaııalar qyzmetindegi brıfıng barysynda.

Onyń atap ótýinshe, ákimdiktermen birlesip, kóterme saýda qoımalaryndaǵy dári-dármek qory, baǵasy tekserilip, preparat baǵasynyń kóterilýine jol bermeý úshin dárihanalardy aralap tekseretin arnaıy monıtorıng toptary jumys isteıdi.

«Osynyń bárin eskerýimiz kerek. Qyzýdy tómendetetin, antıbakterıaldy, vırýsqa qarsy preparattardy tek emdeýshi dárigerdiń usynysymen ǵana ishý kerek. Óz betińizshe emdelý qaýipti ekenin ózderińiz de estip, bilip otyrǵan shyǵarsyzdar», – dedi ol.

Sońǵy jańalyqtar