4 Shilde, 17:03 1045 0 Jańalyqtar Asyl TUMAR

Gúlshara Ábdiqalyqova Qyzylorda oblysy turǵyndaryna úndeý joldady

Qyzylorda oblysynyń ákimi Gúlshara Ábdiqalyqova óńir jurtshylyǵyna koronavırýsqa qarsy kúres sharalaryna baılanysty úndeý joldady.

Óńir basshysy vırýstyń aımaq ekonomıkasyna áser etip, densaýlyq saqtaý salasynyń qalypty júıesin ózgertkenin aıtty.

«Infekııalyq aýrýlardyń aǵymyn aldyn ala dál boljap bilý múmkin emes. Degenmen, alǵashqy kúnderden vırýsqa qarsy arnaıy sharalar qabyldandy. Qatań birlesken tártiptiń arqasynda indettiń alǵashqy legin tejeı aldyq. Alaıda, ekonomıkalyq – áleýmettik qajettilikten qatań shekteýlerdi jeńildettik. Sonyń negizinde turǵyndar arasynda sanıtarlyq talaptardy eskermeý beleń aldy. Vırýstyń baryna senbeýshilik kóbeıip, oqshaýlanýdan shyǵyp, kópshilik bas qosýlar jıiledi. Indetti juqtyrǵandardyń sany búgingi kúni 1379 jetti. Onyń ishinde 897 adam dertten aıyqty. Koronovırýs ınfekııasy anyqtalǵan azamattarmen qarym-qatynasta bolǵan 7929 adam bizdiń baqylaýymyzda boldy. 56 277 synama test alyndy. Ókinishke qaraı, densaýlyq saqtaý mınıstrligi janyndaǵy arnaıy komıssııanyń sheshimimen eki naýqastyń koronovırýstan qaıtys bolǵany anyqtaldy. Sondyqtan barlyq múmkindikter jumyldyrylyp indettiń odan ári taraýyn shekteý jumystary atqarylýda», – dedi oblys ákimi Gúlshara Ábdiqalyqova.

Óńirimizde ınfekııalyq staıonarda – 515, provızorlyq staıonarda – 1670 tósek oryn daıyndalǵan. Sondaı-aq, ınfekııalyq staıonarda – 200, provızorda – 1257 naýqastar emdelýde.

Oblysta barlyǵy 76 jasandy ókpeni jeldetý apparaty bar. Maýsym aıynda qosymsha 20 portatıvti ókpeni jeldetý apparaty alynyp, dál osyndaı qurylǵynyń 63-ne Qazaqstan Respýblıkasy Densaýlyq saqtaý mınıstrligine satyp alý týraly ótinim joldanǵan.

Sondaı-aq, búgingi kúni oblystyq medıınalyq mekemelerde 5 kompıýterlik tomografııa jumys isteıdi. Qajettilikke baılanysty taǵyda osyndaı 2 apparat alý josparlanýda.

Óńirde maýsym aıynda pnevmonııa dertiniń asqynýyna baılanysty úıde em alýshylarǵa qosymsha kómek berý maqsatynda dárigerlik mobıldik toptar qurylyp, ákimdiktiń qyzmettik avtokólikteri berilgen.

Oblys ákimi Gúlshara Ábdiqalyqova memlekettik Bas sanıtarlyq dárigerdiń qaýlysyna sáıkes óńirde jańa shekteýler engiziletinine toqtalyp ótti.

«Tıisti sharalar buqaralyq aqparat quraldary, áleýmettik jeliler arqyly sizderge habarlanady. Bul profılaktıkalyq sharalar koronovırýstyń keń taralýyn barynsha azaıtýǵa, turǵyndardyń ómiri men densaýlyǵyn saqtaýǵa múmkindik beredi. Óńirimizde engiziletin shekteýlerge túsinistikpen qarap, qoldaýǵa shaqyramyn. Biz «bir jeńnen qol, bir jaǵadan bas shyǵaryp« saqtyq sharalaryn qoldansaq qana bul jumystar nátıjeli bolady. Árqaısymyz jaqyndarymyzǵa janashyr bolyp, yntymaq pen birliktiń arqasynda indettiń betin qaıtaramyz», – dedi oblys ákimi.

Sońǵy jańalyqtar