3 Shilde, 21:07 673 0 Jahan Anar LEPESOVA

COVID-19: Japonııada indetke shaldyqqandar sany 20 myńnan asty

Japonııada koronavırýs juqtyrǵandar sany 20 myńnan asty. Sońǵy táýlikte elde eki birdeı antırekord ornatyldy: eki aıdan beri Tokıoda alǵash ret bir kún ishinde 120-dan asa, al memleket boıynsha 200-den asa naýqas tirkelip otyr, dep habarlaıdy RIA Novostı.

Jergilikti BAQ-tyń dereginshe,  ótken táýlikte Japonııa astanasynda 124 adamnan koronavırýs anyqtalǵan.

Al búkil el aýmaǵynda indet juqtyrýdyń 236 jańa deregi tirkeldi. 3 mamyrdan keıin bul kórsetkish 200-den aspaǵan bolatyn.

Pandemııa bastalǵaly Japonııada qaterli vırýsty 20 038 adam juqtyrǵan. Onyń ishinde 712-si Diamond Princess krýızdik laıneriniń jolaýshylary. Eldegi indet qurbandarynyń jalpy sany – 990. Emdelip shyqqandar sany – 17 524.

Aıta keteıik, álem boıynsha qaterli indetke shaldyqqandar sany 10,9 mıllıonnan asty. Qaterli vırýstan 521,7 myń naýqas kóz jumdy.

Al Qazaqstandaǵy epıdemıologııalyq ahýalǵa kelsek, elimizde sońǵy táýlikte 1501 adamnan koronavırýs anyqtalyp, indet juqtyrǵandardyń jalpy sany 44 075-ke jetti. Indetten 14 myńnan astam adam aıyqty. 188 naýqas qaıtys boldy.

Sońǵy jańalyqtar