3 Shilde, 17:06 459 0 Jańalyqtar Anar LEPESOVA

Astana kúni: Elordalyq dárigerlerge memlekettik nagradalar tabystaldy

Nur-Sultanda astana kúnine oraı medıınalyq qyzmetkerlerge memlekettik nagradalar, Elbasy Nursultan Nazarbaev pen Memleket basshysy Qasym-Jomart Toqaevtyń atynan alǵys hattar tabys etildi.

Sonymen qatar elordanyń damýyna úles qosqan turǵyndar astananyń qurmetti turǵyny ataǵyna ıe boldy, dep habarlady qala ákimdiginiń resmı saıty.

III dárejeli «Barys» ordenimen kópbeıindi medıına ortalyǵynyń bas dárigeriniń orynbasary Sáýle Atyǵaeva, «Parasat» ordenimen juqpaly aýrýlar gospıtaliniń bas dárigeri Anna epke, «Qurmet» ordenimen dáriger-reanımatolog Ilıa Logvınenko, jedel járdem stanııasynyń dırektory Murat Orazbaev, «Eren eńbegi úshin» medaldarymen anestezıolog-reanımatolog Ivan Vahrýshev, sondaı-aq dáriger-ınfekıonıst «Nur-Sultan qalasynyń Ortalyq jol aýrýhanasy» JShS bólimshesiniń meńgerýshisi marapattaldy.

Koronavırýs indetimen kúreste aldyńǵy shepte kele jatqan 20-dan astam medıına qyzmetkeri memlekettik nagradalarmen marapattaldy. Pandemııa kezinde qala turǵyndaryna azyq-túlik sebetterin, dári-dármekterdi jetkizip, blok-posttardyń jumysyn retteýge at salysqan eriktiler el basshylyǵynyń atynan alǵys hattarmen marapattaldy.

Sonymen birge elorda ákimi Altaı Kólginov astananyń qurmetti turǵyndary ataǵyn eki ardagerge tabys etti. Kandıdatýralardy depýtattar qalalyq máslıhat sessııasynda qoldady.

Otyzbaı Súıindikov 1953 jyldan bastap muǵalim bolyp qyzmet atqardy. Ol 30 jyldan astam ýaqyt pedagogıkalyq ýchılıede jumys istedi jáne bolashaq pedagogtardy tárbıeledi. Elordanyń qurmetti turǵyny ataǵy hırýrg Vladımır Baýmeısterge berildi. Ol 15 myńnan astam operaııa, 13 myńnan astam zertteý jumystaryn júrgizdi.

«Búginde marapattalýshylardyń basym bóligi onlaın-rejımde qatysyp jatyr. Árqaısyńyz koronavırýsqa qarsy kúreske úlken úles qosyp jatyrsyz. Men úshin sizderge Memleket basshysynyń atynan nagradalar tapsyrý úlken qurmet. Qala qaýipsizdigin qamtamasyz etetin polıııa qyzmetkerleri, kún saıyn medıınalyq qyzmetkerlerdi jumysqa alyp keletin avtobýs júrgizýshileri de alǵys hattarmen marapattaldy. Ár adamnyń indetpen kúreske qosyp jatqan úlesin baǵalaımyz. Kele jatqan astana kúni qutty bolsyn», - dedi qala ákimi Altaı Kólginov.

Sońǵy jańalyqtar