3 Shilde, 15:14 717 0 Qoǵam Anar LEPESOVA

JOO, mektep pen balabaqshaǵa qabyldaý kezinde medanyqtama talap etilmeıdi

Qazaqstanda bilim alýshylar medıınalyq tekserýden ótkeni týraly anyqtamasyz-aq shartty túrde bilim berý uıymdaryna qabyldanady.

Bul týraly Bilim jáne ǵylym mınıstrliginiń baspasóz qyzmeti habarlady

Medıınalyq anyqtamany alý boıynsha týyndap jatqan qıyndyqtarǵa baılanysty azamattarǵa bilim uıymdaryna qabyldaný úshin tıisti qujattardy tapsyrý barysynda anyqtamany ýaqytsha usynbaýǵa múmkindik beriledi.

Azamattardyń qaýipsizdigin qamtamasyz etý maqsatynda jáne densaýlyq jaǵdaıy týraly medıınalyq anyqtamalardy alýda týyndaǵan qıyndyqtarǵa baılanysty bilim jáne ǵylym mınıstri bilim uıymdaryna (balabaqshalarǵa, mektepterge, kolledjder men JOO-larǵa) qujattardy medıınalyq anyqtamasyz qabyldaýǵa ýaqytsha ruqsat berý týraly buıryqqa qol qoıdy.

Egov.kz portaly arqyly qujattardy jiberý barysynda medıınalyq anyqtamalardy ózine baılanysty emes sebepter boıynsha usyna almaıtyn azamattar úshin atalǵan anyqtamalardy keıin usynýǵa múmkindik beretin fýnkııa iske qosylady. Qazirgi ýaqytta bilim alýshylar medıınalyq tekserýden ótkeni týraly anyqtamalarsyz shartty túrde bilim berý uıymdaryna qabyldanady.

Medıınalyq anyqtamany oqý jyly bastalǵanǵa deıin múmkindik bolǵan kezde tapsyrýǵa bolady.

Sońǵy jańalyqtar