3 Shilde, 14:43 700 0 Aımaq Anar LEPESOVA

Óskemen men Semeı karantınge jabylady

5 shildeden bastap ShQO-da eki iri qala karantınge jabylady. Bul týraly oblys ákimi Danıal Ahmetov Instagram paraqshasynda habarlady.

«Jaǵymsyz jaıt bolmas úshin biz 5 shildeden bastap Óskemen jáne Semeı qalalaryn jabamyz, adamdar men kólikterdiń qala men aýdan arasynda júrip-turýyn shekteımiz. Osynyń barlyǵy - koronavırýs ınfekııasy taralmas úshin jasalyp otyrǵan sharalar. SOVID-19-ben kúreste ózin-ózi oqshaýlaý tásili tıimdi ekeni dáleldendi. Karantın kezinde oblysta jalpy vırýs juqtyrǵandar sany 135 bolatyn. Maýsym ishinde bul kórsetkish 710-ǵa deıin artyp, áli de ósip jatyr», - dep jazdy D.Ahmetov.

«Sondyqtan osy jeksenbiden bastap qozǵalysty shekteý mańyzdy. Biz baılanysqan adamdar tizimin úzýimiz kerek. Bul óte qajet! Osy jaǵdaıǵa neǵurlym jaýapkershilikpen qarasaq, soǵurlym qalypty ómirge tezirek oralamyz. Mekemeler, azyq-túlik dúkenderi, dárihanalar, bankter, HQO (qysqarǵan kestemen) jumysyn jalǵastyrady. Biz engizilgen karantın sharalary kásipkerlerge zııanyn tıgizbes úshin tyrysyp jatyrmyz. Taǵy da shekteýlerge túsinistikpen qaraýlaryńyzdy suraımyz. Eýropa elderinde adamdar áýelde shekteý sharalaryna moıynsunbaǵanda qandaı jaǵdaı bolǵany bárimizdiń esimizde», - dep atap ótti ákim.

Onyń aıtýynsha, a damdar óz qaýipsizdigi úshin kem degende áleýmettik qashyqtyqty saqtap, ózin-ózi oqshaýlap, maska taǵyp júrýi kerek.

«Biz de aımaqtaǵy aýrýhanalardy qajetti tehnıkamen jáne dári-dármekpen, al dárigerlerdi qorǵanys quraldarymen qamtamasyz etý úshin barymyzdy saldyq. Qazirgi bizdiń ortaq mindetimiz – shekteý sharalaryn saqtap, vırýstyń taralýyna jol bermeý» dep tolyqtyrdy D.Ahmetov. ⠀

 

Sońǵy jańalyqtar