3 Shilde, 12:46 549 0 Qoǵam Araılym Bımendıeva

HQKO-lar karantın kezinde jumysyn jalǵastyrady

HQO-nyń jabylýy týraly jalǵan aqparattyń taralýyna baılanysty, qyzmet alýǵa júginetin azamattardyń sany kúrt ósti.

Vedomstvoaralyq komıssııanyń sheshimimen HQO-lar shekteý sharalary engizilgennen keıin de sanıtarlyq jáne dezınfekııalyq talaptardy saqtaı otyryp, óz jumysyn jalǵastyrady.

Qolaısyz epıdemıologııalyq jaǵdaıdy eskere otyryp, halyqqa qyzmet kórsetý ortalyqtarynda qorǵanys sharalary qabyldanyp, front-ofıs ǵımarattarynda azamattardyń jınalýyn boldyrmaýǵa baǵyttalǵan jumystar qolǵa alynǵan.

Búginde oblys ortalyqtarynyń, respýblıkalyq mańyzy bar qalalardyń jáne keıbir aýdan HQO-larynda qyzmetterdi tek aldyn ala bron jasaý arqyly ǵana alýǵa bolady. Muny egov.kz portaly, eGovKzBot2.0 telegram-botynyń kómegimen nemese 1414 qysqa nómirine qońyraý shalý arqyly jasaýǵa bolady.

Halyqqa qyzmet kórsetý ortalyqtarynda elektrondy úkimet portalynda qoljetimsiz, tek «qaǵaz» qyzmetter (100-den astam qyzmet) kórsetiledi.

Munyń bári azamattardyń kóptep jınalýyn boldyrmaýǵa jáne vırýs juqtyrý qaýpin azaıtýǵa baǵyttalǵan.

Sońǵy jańalyqtar