2 Shilde, 16:40 609 0 Óner Araılym Bımendıeva

«Dombyra» oqý quraly tanystyrylady

Erteń Halyqaralyq Túrki akademııasynyń uıymdastyrýymen Ulttyq dombyra kúnine arnalǵan «Dombyra mádenıeti: dástúr sabaqtastyǵy jáne bilim berýdegi máseleler» atty konferenııa ótedi.

Onlaın vıdeo formatynda ótetin konferenııaǵa Memlekettik syılyqtyń laýreaty, Qazaqstannyń Halyq ártisi, professor Qaırat Baıbosynov, Qazaqstannyń eńbek sińirgen qaıratkeri, tanymal kúıshi Janǵalı Júzbaev jáne belgili ǵalymdar, birqatar salalyq oqý oryndary men óner salasyndaǵy uıymdardyń basshylary men ókilderi qatysady.

Alqaly jıyn aıasynda Halyqaralyq Túrki akademııasy Memleket basshysynyń tikeleı tapsyrmasy boıynsha daıyndap shyǵarǵan «Dombyra» oqý quralynyń tusaýkeser rásimi ótedi. Óskeleń urpaqqa arnalǵan oqýlyqtyń avtory belgili kúıshi, Qazaq ulttyq óner ýnıversıtetiniń professory – Janǵalı Júzbaev.

Aıta ketý kerek, ótken jyldyń qarasha aıynda Halyqaralyq Túrki akademııasynyń basshysy Darhan Qydyráli Prezıdent Qasym-Jomart Toqaevtyń qabyldaýynda «Dombyra» oqý quralynyń jobasyn tanystyrǵan edi.

Sońǵy jańalyqtar