2 Shilde, 14:41 456 0 Qoǵam Araılym Bımendıeva

3 mıllıonnan astam maman jańasha daıarlanady

Qazirgi tańda adamı kapıtal kez kelgen memleket báse­keles­tiginiń basty faktoryna aınal­dy. Dúnıe­júzilik ekonomıkalyq forýmnyń baıandamasynda bo­lashaqta 10 ju­mys ornynyń 9-y sandyq daǵ­dy­lardy talap ete­tini atap ótildi. 2030 jylǵa qaraı álem boıynsha kem degende 1 mlrd adamdy qaıta oqytý qa­jet.

McKinsey boljamdaryna sáıkes, 2030 jyl­ǵa qaraı ıfrlyq daǵdylarǵa degen qajettilik keminde 55%-ǵa ósedi. EYDU baıan­damasynda jumys oryndarynyń 32%-dan astamy ıfrlandyrý nátıjesinde tú­begeıli ózgertiletin bolady degen boljam kel­tirilgen. Bul rette kompıýterlik saýat­tylyq týraly ǵana emes, sonymen qatar aldyńǵy qatarly ıfrlyq quzyret týraly da aıtylyp otyr.

Bilim jáne ǵylym mınıstri A.Aıma­ǵambetovtiń aıtýynsha, birneshe jyl boıy Qazaqstan bilim berý salasyndaǵy halyq­aralyq zertteýlerge qatysty, onda eldegi «gadjetteýdiń» joǵary deńgeıi ıfrlyq daǵ­dylardyń joǵary deńgeıine aıtar­lyq­taı áser etpeıtini anyqtaldy.

ICILS zertteýine sáıkes, 14 jastaǵy oqý­shylardyń 54%-dan astamynda ıfrlyq saýat­tylyq deńgeıi tómen. PIAAS zertteýine sáıkes, 6-dan 34 jasqa deıingi 5 azamat qana jaqsy ıfrlyq daǵdylarǵa ıe.

«ıfrlyq quzyrettilikke qosymsha adam kapıtaly úshin fýnkıonaldyq saýattylyq, synı oılaý, kreatıvtilik, oqý jáne taldaý qabileti bolyp sanalatyn soft skills damytý qajet. Bul baǵyttaǵy basty qadamdardy biz bastadyq», – dedi Bilim jáne ǵylym mınıstri.

2016 jyldan bastap mektepterde fýnk­ıonaldyq saýattylyqty damytýdy qaras­tyratyn jańa bilim berý baǵdarlamalary engizilýde. Aldaǵy oqý jylynda mektep­terdiń jańa baǵdarlamalarǵa kóshýi aıaq­ta­lady. Kelesi qadam bilim berýdiń bar­lyq deńgeıine ıfrlyq quzyretterdi engizý bolady.

Mınıstrliktiń aldynda álemdik stan­darttarǵa sáıkes AT salasynyń maman­da­ryn daıarlaý, ıfrlyq quraýyshty qamtı otyryp, basqa salalardyń mamandaryn oqytý jáne qaıta daıarlaý jáne barlyq aza­mattarǵa bazalyq ıfrlyq saýat berý se­kildi mindetter tur.

«Osyǵan baılanysty Memleket bas­shysynyń tapsyrmasyna sáıkes, biz «ıfr­lyq bilim berý» aýqymdy jobasyn júze­ge asyrýdy usynamyz. Joba úsh negizgi baǵytty qam­tıdy. Bul – bazalyq ıfrlyq quzyret­ter, mamandandyrylǵan AT-kadrlardy jáne basqa salalardyń qyzmetkerlerin AT quzyretimen úılestire otyryp daıarlaý. Osy jo­banyń nátıjesinde tereń AT bilimi bar jańa mamandar shyǵarylady», – dedi A.Aıma­ǵambetov.

Atalǵan joba aıasynda jyl saıyn 400 myńnan astam «ıfrlyq quzyret» kadr­lary shyǵarylady. Osylaısha, 2030 jylǵa qaraı barlyq deńgeıdegi oqý oryndary jańa formaııadaǵy 3 mıllıonnan astam ma­man daıarlaıtyn bolady.

«Bıyl jańa oqý jylynan bastap ıfrlyq sala úshin mamandar daıarlaıtyn jetek­shi kolledjder bazasynda 31 jańa baǵdarlama engiziledi», – dep habarlady vedomstvo basshysy.

Sonymen qatar AT mamandyǵy boıynsha joǵary bilim berý júıesinde 51 myńnan astam stýdent bilim alýda. Jyl saıyn mem­lekettik tapsyrys kólemi artyp keledi. 326 kásibı standart negizinde AT-baǵyt boıyn­sha baǵdarlama 95% jańartyldy.

Mınıstr atap ótkendeı, bilim berý baǵ­darlamalaryna úlken ózgerister engizildi. 2019 jyldan bastap ýnıversıtetterge akademııalyq erkindik berildi. Endi osy joba aıasynda jańa oqý jylynan bastap 91 ınnovaııalyq baǵdarlama engiziledi.

Sońǵy jańalyqtar