2 Shilde, 13:43 535 0 Nur Otan Araılym Bımendıeva

Birgemiz

Dúnıeniń degbirin qashyrǵan derttiń áli de saıabyr tabatyn túri baı­qalar emes. Aty jaman aýrý qa­lypty tirshi­ligi­­­mizden aı­nytyp, bárimizdi alań kóńil etti. Ońaı emes. Ásirese, onsyz da «shyqpa, janym shyq­palap» otyrǵan áleýmettik az qamtylǵan otbasylar úshin bul aýyr synaq bolyp turǵany ras. Dese de, bir jaǵynan Úkimet, bir jaǵynan Elbasynyń bastamasymen quryl­ǵan Birgemiz qoǵamdyq qory syn shaqta syrt qalmaı, kómekke muqtaj jan­darǵa kómek, qoldaý bildirip jatqany kóńil­ge medeý. Jaqynda qordyń esebinen bir­jolǵy ataýly kómek kórsetýdiń tórtin­shi kezeńi bastalmaq. Bul kómek aýyldaǵy asa muqtaj otbasylarǵa baǵyttalady.

Elimizdiń Tuńǵysh Prezıdenti – Elbasy Nursultan Nazarbaevtyń bastamasymen Birgemiz qoǵamdyq qory qurylǵany málim. 2020 jylǵy 20 naýryzdaǵy Úndeýinde El­basy N.Nazarbaev: «Elimizdiń kómekke muq­taj árbir azamatyna qamqorlyq kórsetilýi tıis. Qa­zaqstandyqtar qıyn kezeńderde árdaıym bir-birine járdemdesken. Tutas­tyǵymyzdy taǵy bir dáleldeıtin kún týdy», – dedi.

Qordy qurýdaǵy áý bastaǵy maqsat aza­mattarǵa, onyń ishinde COVID-19 indetinen zardap shekkenderge ataýly jáne áleýmettik qoldaý kórsetý, sonymen qatar respýblıka­lyq jáne aımaqtyq deńgeıde jumys júrgizý bolatyn. Igi bastamany elimizdegi iri kompanııalar, tanymal kásipkerler  qol­dap, qomaqty qarjylyq kómek kórsetkeni barshamyzǵa málim. Búginde qorǵa túsken qarajat asa muqtaj otbasylarǵa belgili mólsherde berilip kele jatyr.

Qysyltaıań sátte qınalǵanǵa qol ushyn berý – halqymyzdyń qanyna sińgen qasıet. Kásipkerler men qaltaly azamattardan bastap, nıeti túzý, júregi keń, muqtajǵa kó­mek qolyn sozǵysy keletin elimizdiń ár­bir azamaty Elbasynyń Úndeýin qoldady. Qor­ǵa qarjy aýdarǵandardan bólek, áleý­met­tik az qamtylǵan azamattarǵa kómek­tes­ken eriktilerdiń de eńbegi zor ekenin atap ótkenimiz jón.

Qor jumysynyń ashyqtyǵyn kórsetý maq­satynda Birgemiz qoǵamdyq qory tús­ken qarajat pen aımaqtar boıynsha kór­setilgen kómek týraly barlyq aqparat turaq­ty túrde jarııalanyp otyratyn birgemiz2020.kz resmı saıtyn iske qosty.  Saıtqa kirgen kez kelgen azamat banktik úzindi kóshirmelerimen birge usynylatyn esepterdi taba alady.

Qor tóraǵasy Rýslan Sakeevtiń málim­deýinshe, Elbasynyń úndeýine qoldaý bil­dirgen meenattardyń arqasynda Birgemiz qorynyń esepshotynda 28,5 mlrd teńgeden astam qarajat jınaqtalǵan.

Tuńǵysh Prezıdenttiń tapsyrmasy boıynsha osy qarajat esebinen búgingi tańda 7 sanat boıynsha 470 myńnan astam ot­basy nemese 1,6 mln qazaqstandyq ataý­ly kómekpen qamtylǵan. 23 qalanyń jáne olarǵa irgeles aýyldar men eldi meken­der­diń asa muqtaj otbasylary 50 myń teń­ge­den birjolǵy tólemaqy aldy. Sonymen birge koronavırýspen kúreske jumyl­dyryl­ǵan 2 112 medıına qyzmetkeri de qor qarajatynan 50 myń teńgeden aldy.

Jalǵyzbasty qarttarǵa, turmysy tó­men kópbalaly otbasylarǵa, erekshe qajet­tilikteri bar azamattar men basqa da muq­taj jandarǵa áleýmettik paketterdi  úles­tirip berýge erikti túrde atsalysyp júrgen «Jas Otan» eriktileri de qor jumysyna belsene aralasty. Olar qorǵanysy álsiz 100 myńnan astam otbasyǵa Birgemiz qo­ry­nyń qarajatyna satyp alynǵan 5 mıllıon mas­kany tegin jetkizip berdi.

Sondaı-aq Nursultan Nazarbaevtyń bas­tamasy boıynsha Túrkistan oblysynyń Maq­taaral aýdanynda sý basýdan zardap shek­ken Dostyq aýylynyń turǵyndaryna ar­nal­ǵan jańa úılerdiń qurylysy júr­gizilip jatyr.

 

Maqsat  HALYQ,  GSB UIB dırektorynyń orynbasary, ekonomıst:

Eń bastysy – atqarylǵan jumystar

– Jalpy, kez kelgen qoǵamdyq qor quryl­ǵannan keıin onyń eń negizgi mańyz­dy róli ol – qor jumysynyń múmkindiginshe ashyq bolýy. Shyǵystardyń qandaı bó­likterde qaıda jumsalyp jatqany týraly aqparattyń qoljetimdi bolǵany óte mańyzdy. Osy turǵydan kelgende  Birgemiz  qo­rynyń qanshalyqty ashyq jumys iste­genin áli de kóremiz dep oılaımyn. Qor ju­mysy týraly qoǵamda synı pikirler de bol­dy. Synnyń bolýy da oryndy. Óıtkeni bir jyl buryn bolǵan Arystaǵy oqıǵaǵa baı­lanysty qurylǵan qor qarjysynyń qoldy bolyp ketkenin baıqadyq. Sondyq­tan barynsha ashyq, jarııaly ári shynaıy bolǵany jón.

Eń bastysy – ol atqarylǵan jumystar. Jumys oryndy atqarylǵan bolsa, erte me, kesh pe halyq báribir baǵalaıtyn bolady. Birgemiz qorynyń qurylýynyń nátıje­sinde biraz qarjylandyrý proesi júrdi. Osyǵan atsalysqan azamattar, ásirese erik­tilerdiń qyzmetin erekshe baǵalap ótkim keledi. Olar ózderine eshqandaı tabys almasa da, osy qordan bólingen qarajatqa alynǵan azyq-túlikti tıisti jerlerge deıin jetkizip, áleýmettik osal toptarǵa qol ushyn berý máselesine barynsha úles qosty. Osy jaǵynan kelgen kezde atalǵan qordyń atyna saı birlikke, tutastyqqa úndegen izgi áreketi quptaýǵa, qoldaýǵa turarlyq.

 

Joltaı ÁLMAShULY, Qazaqstannyń Eńbek sińirgen qaıratkeri, jazýshy:

Qor bólgen qarjy halyqqa qoldaý boldy

– COVID-19 indeti áleýmettik álsiz top­tarǵa, ásirese bir kúndik jalaqyǵa jumys isteıtin qarapaıym azamattarǵa aýyr soq­qy boldy. Halyq jumys istemeıin, tabys tappaıyn dep jatqan joq. Búgingi indet jaǵdaıy halyqtyń óz betinshe jumys istep, nápaqasyn tabýyna múmkindik bermeı otyr.  Osyndaı syn saǵatta Elbasynyń bas­tamasymen qurylǵan Birgemiz qory COVID-19 indetinen zardap shekken aza­mattarǵa ataýly jáne áleýmettik qoldaý kór­setýdi maqsat tutty. Tótenshe jaǵdaı kezeńinde bul qarapaıym halyqqa mate­rıaldyq turǵydan úlken kómek dep oılaı­myn. Qor bergen qarjy halyqty baıytyp jibermese de, qoldaý boldy. Halyqtyń janyna jara, kóńiline qaıaý túsirmeýdi oılaǵan Elbasy qaltaly azamattarǵa úndeý tastap, halyqqa qaraılasýǵa shaqyrdy.

Qaı zamanda da osyndaı qıyn kezeńde qaltaly azamattar qarapaıym halyqqa qol ushyn berip, qoldaý kórsetken. Ondaı my­saldardy tarıhtan kóp kezdestirýge bolady. Birgemiz  qory uıymdastyrǵan shara­lar – sondaı kómektiń bir túri. Adam­dar kári bolsyn, jas bolsyn, baı bolsyn nemese kedeı bolsyn, mundaıda báriniń jaǵ­daıy birdeı. «Kemedeginiń jany bir» dep qazaq beker aıtpaǵan. Bárimiz bir judy­ryq­taı jumylyp qıyndyqty birge jeńip, bir jeńnen qol, bir jaǵadan bas shyǵarsaq, ǵa­nıbet emes pe?! Elbasynyń bastamasyn qol­daǵanymyz durys. Qor jumysy aldaǵy ýaqytta da jalǵasa berse, tipti jaqsy bolar edi.

 

Sońǵy jańalyqtar