2 Shilde, 12:53 466 0 Jahan Anar LEPESOVA

COVID-19: AQSh-ta jańa antırekord tirkeldi

AQSh-ta ótken táýlikte 48 myńnan astam adamnyń COVID-19 indetin juqtyrǵany belgili boldy. Bul memleket úshin jańa antırekord, dep habarlaıdy Reuters.

Djons Hopkıns ýnıversıtetiniń sońǵy deregi boıynsha AQSh-ta  koronavırýs juqtyrǵandardyń jalpy sany 2 686 582 adamǵa jetti. Indetten 128 062 adam kóz jumdy.

Resmı derekter sońǵy aptada Arızona, Kalıfornııa, Florıda, Tehas jáne basqa on shtatta vırýs juqtyrǵandar sany eki esege óskenin kórsetip otyr.

Aıta keteıik, álem boıynsha qaterli indetke shaldyqqandar sany 10,7 mıllıonǵa jýyqtady. Indet qurbandarynyń jalpy sany – 516 210.

Al Qazaqstanda ótken táýlikte 1509 adamnan koronavırýs anyqtalyp, qaterli vırýsty juqtyrǵandardyń jalpy sany 42 574-ke jetti. 14 myńnan astam adam emdelip shyqty. 188 naýqas qaıtys boldy.

Sońǵy jańalyqtar