1 Shilde, 19:58 6290 0 Densaýlyq Anar LEPESOVA

8-synyp oqýshysy atasyn qutqarý úshin ókpeni jasandy jeldetý apparatyn jasap shyǵardy (vıdeo)

Islam Jalǵasbaı esimdi mańǵystaýlyq oqýshy pnevmonııaǵa shaldyqqan atasynyń densaýlyǵyn ońaltý úshin qolda bar zattarmen ókpeni jasandy jeldetý apparatyn jasady. 

Bul týraly Inaktau.kz habarlady.

8-synyp oqýshysynyń 62 jastaǵy atasy ekijaqty pnevmonııaǵa shaldyǵyp, aýrýhanaǵa jatqyzylǵan. Dárigerler qarııanyń  densaýlyǵyna baılanysty boljamdar kóńil kónshitpeıtinin aıtyp, týystaryna ony úıine alyp ketýdi usynǵan.

"Jaǵdaıy aýyr edi. Ony úıge alyp kelgennen keıin de úmit úzbeı kúresýge sheshim qabyldadyq. Inimniń balasy Islam YouTube jelisinen beınerolık kórip, óz betinshe ókpeni jasandy jeldetý apparatyn jasap shyǵarýdy uıǵardy", – deıdi otbasynyń  týysy Rahat Turǵanov.

Osylaısha, segizinshi synyp oqýshysynyń qodan jasap shyqqan apparaty kádege jarap, atasynyń ómirin sál de bolsyn jeńildetýge septigin tıgizdi.

"Islam jasap shyǵarǵan apparatpen atamyz taǵy birneshe kún ómir súrdi. Alaıda, ókinishke qaraı, odan aıyrylyp qaldyq", – deıdi R.Turǵanov.

Aıta keteıik, buǵan deıin atyraýlyq kásipkerler oblystyq aýrýhanaǵa ókpeni jasandy jeldetý apparattaryn syıǵa tartqanyn habarlaǵanbyz.

 

Sońǵy jańalyqtar