1 Shilde, 17:28 396 0 Qoǵam Anar LEPESOVA

Semeı qalasynyń ákiminen koronavırýs anyqtaldy

Semeı qalasynyń ákimi Ermek Salımov koronavırýs juqtyrdy. Bul týraly shahar basshysy áleýmettik jelidegi paraqshasynda habarlap, turǵyndardy saqtyq sharalaryn saqtaýǵa úndedi. 

"Búgin Covid-19 anyqtaý maqsatynda tapsyrǵan test oń nátıje bergeni belgili boldy. Shekteýlerge qaramastan kóp adamdarmen belsendi túrde tyǵyz baılanysta júrgizilgen jumystar óz áserin kórsetti deýge bolady. Búgingi kúnnen bastap qatań oqshaýlaý rejıminde bolamyn. Múmkindiginshe onlaın jumys júrgizýge tyrysamyn. Barlyq semeılikterdi saqtyq sharalary men sanıtarlyq qyzmetterdiń erejelerin saqtaýǵa shaqyramyn. Ózderińizdi jáne jaqyndaryńyzdy saqtańyzdar!", – dep jazdy Ermek Salımov Instagram paraqshasynda.

Aıta keteıik, buǵan deıin Almatynyń bas sanıtary Jandarbek Bekshınniń koronavırýs juqtyrǵanyn habarlaǵanbyz.

Al indetten emdelip shyqqan vıe-premer Eraly Toǵjanov qyzmetine qaıta kiristi.

Sońǵy jańalyqtar