1 Shilde, 16:49 427 0 Jahan Anar LEPESOVA

COVID-19: Reseıde indetke shaldyqqandar sany 650 myńnan asyp jyǵyldy

Reseıde cońǵy táýlikte 6556 adamnan koronavırýs anyqtalyp, indet juqtyrǵandardyń jalpy sany 654 405-ke jetti. Bul týraly eldegi koronavırýstyń taralýyna qarsy kúres jónindegi jedel shtab habarlady, dep jazady TASS.

Shtab málimetinshe, sońǵy eki táýlikte indet juqtyrý derekteriniń ósimi 1 paıyzdan aspaǵan. Em qabyldap jatqan naýqastar sany 225 879 adamnan 221 938 adamǵa azaıdy.

Ótken táýlikte  10281 adam koronavırýstan emdelip shyqqan. Osylaısha Reseıde indetten aıyqqandardyń  jalpy sany  422 931-ge jetip otyr.

Sondaı-aq, jedel shtab bir táýlik ishinde koronavırýstan 216 adam kóz jumǵanyn habarlady. Eldegi indet qurbandarynyń jalpy sany - 9 536.

Aıta keteıik, ótken táýlikte Qazaqstanda 1604 adamnan qaterli vırýs anyqtalyp, indetke shaldyqqandardyń jalpy sany 41 myńnan asty. 13,5 myńnan astam naýqas emdelip shyqty. Derti asqynǵan 188 adam qaıtys boldy.

Sońǵy jańalyqtar