1 Shilde, 16:21 778 0 Zań Anar LEPESOVA

"Bomba bar": Ustazymen ázildeskisi kelgen jasóspirim tergeýge alyndy

Pavlodarda jarylǵysh zat týraly jalǵan aqparat habarlaǵan 15 jastaǵy jasóspirim ustaldy. Bul jaıynda Polisia.kz portaly habarlady.

30 maýsymda jedel basqarý ortalyǵyna Pavlodar qalasynyń turǵyny habarlasqan. Ol belgisiz bir kisiniń habarlasyp, ózi turatyn Nazarbaev kóshesinde ornalasqan úıdegi páterdiń birinde bomba qoıylǵanyn aıtqan.

"Oqıǵa ornyna jedel áreket etetin mamandar dereý kelip, turǵyn úı men páterdi sapermen tekserdi. Eshqandaı jarylǵysh zat tabylmady", - delingen aqparatta.Jedel qyzmet júrgizgen is-shara nátıjesinde qońyraý soqqan 15 jastaǵy jasóspirim anyqtaldy. Onyń aıtýynsha, bala úıinde otyryp, ázil úshin muǵalimine habarlasyp, jarylǵysh zat qoıylǵanyn aıtqan. Qazirgi kezde ol anasymen birge polıııaǵa jetkizilip, tergeýge alyndy.

Atalǵan fakti boıynsha Qylmystyq kodekstiń 273-baby ("terrorızm aktisi týraly kórineý jalǵan habarlaý") boıynsha sotqa deıingi tergeý bastaldy.

Aıta keteıik, terrorızm týraly kórineý jalǵan habarlama qylmystyq quqyq buzýshylyq bolyp sanalady jáne mundaı áreket úshin bes myń aılyq eseptik kórsetkish mólsherinde aıyppul salýǵa nemese bes jylǵa deıin bas bostandyǵyn shekteýge, sol merzimge bas bostandyǵynan aıyrýǵa ákeledi. Sondaı-aq zańda osynsha ýaqyt túzeý jumystaryna tartý da qarastyrylǵan.

Sońǵy jańalyqtar