1 Shilde, 15:36 529 0 Jańalyqtar Anar LEPESOVA

Elordalyqtar ashyq aspan astynda kıno tamashalaı alady

Elorda kúninde turǵyndar otandyq jáne álemdik kınematografııanyń úzdik týyndylaryn tamashalaı alady, dep habarlaıdy ákimdiktiń resmı saıty.

Nur-Sultan turǵyndary men qala qonaqtary kınotýyndylardy 1-7 shilde aralyǵynda kúnde 21.00-de tegin tamashalaıdy.

"Qazirgi ýaqytta barlyq kınoteatrlardyń jumysy toqtatyldy. Osy jaǵdaıdy eskere otyryp, Nur-Sultan qalasy ákimdigi men Enterprise kınokompanııasynyń qoldaýymen 1-7 shilde aralyǵynda Nur-Sultan autocinema festival josparlandy. Avto-kınoteatr "Astana Arena" ctadıonynyń aýmaǵynda Qabanbaı batyr dańǵyly boıynda uıymdastyrylady", – delingen habarlamada.

Kórermender óz kólikterinde otyryp-aq, "Qyz Jibek", "Meniń atym Qoja", "Bizdiń aıaýly dáriger", "Alpamys mektepke barady", "Pýt Lıdera" kınoepopeıasy, "Aqsaq qulan», sondaı-aq sheteldik "Djon Ýık", "Prıklıýchenııa Pıtera Pena", "Asterık ı Obelıks" sııaqty fılmderdi tamashalaı alady.

Sonymen qatar, uıymdastyrýshylar qaýipsizdik sharalaryn esten shyǵarmaýdy eskertedi. Iaǵnı, mindetti túrde maska taǵyp, áleýmettik qashyqtyqty saqtaý qajet, sanıtaızerler qoldaný kerek.

Aıta keteıik, kórsetilimde erekshe kútimdi qajet etetin balalar úshin de arnaıy múmkindikter qarastyrylady.

 

Sońǵy jańalyqtar