1 Shilde, 12:52 786 0 Jańalyqtar Araılym Bımendıeva

Belgili ustaz Ábdiǵappar Smanov qaıtys boldy

Saryaǵash medrese kolledjiniń dırektory, belgili ustaz Ábdiǵappar Smanov qaıtys boldy. Bul týraly Qazaqstan musylmandary dinı basqarmasynyń baspasóz qyzmeti habarlady.

«Saryaǵash medrese kolledjiniń dırektory Ábdiǵappar Smanov 2020 jyldyń 1 shildesinde tańǵy saǵat 07:45-te qaıtys boldy», — delingen aqparatta.

Oǵan arterııalyq qysym, gıpertonııalyq daǵdarys, qant dıabeti, pnevmonııa dıagnozy qoıylǵan.

«Smanov «Salma Karavan» shıpajaıynda em alyp jatqan. Laı qoıdyryp, aıaǵyn kúıdirip alǵan. Aýrýhanaǵa aýyr halde túsken. Rentgenge túsirgende pnevmonııa anyqtalǵan», — dep naqtylady QMDB.

Ábdiǵappar Smanov 1970 jyly 22 aqpanda Túrkistan oblysy Saryaǵash aýdany Lenın sovhozynda dúnıege kelgen.

1987-1989 jyldary aralyǵynda Qajymuqan Muńaıtpasov atyndaǵy Saryaǵash balalar jáne jasóspirimder sport mektebinde qazaqsha kúresten jattyqtyrýshy bolyp qyzmet etti.

1989-1993 jyldar aralyǵynda Ózbekstan Respýblıkasy Tashkent qalasyndaǵy Imam ál-Buharı atyndaǵy Joǵary Islam ınstıtýtyn úzdik dıplommen támámdady.

1995-2010 jyldar aralyǵynda «Taıaqty Eshan» meshiti janyndaǵy «Ýbaı ıbn Kaab» medresesin basqardy.

2002-2004 jyldary Abaı atyndaǵy Qazaq Ulttyq pedagogıkalyq ýnıversıtetiniń magıstratýrada bilim aldy.

2009 jyldan beri QMDB janyndaǵy ǵulamalar keńesiniń múshesi.

2008-2010 jyldar arasynda Quran Kárimdi tolyq qazaq tiline aýdarmasyn jazyp shyqty.

2010 jyldyń 29 sáýirinde QMDB-nyń tóraǵasy, bas múftı Ábsattar qajy Derbisáliniń № 221 buıryǵymen  Saryaǵash medresesiniń dırektory bolyp taǵaıyndaldy.

2015 jyly Qazaqstan Respýblıkasynyń prezıdenti N.Á. Nazarbaev Qazaqstan Respýblıkasynyń el birligin nyǵaıtý, beıbitshilik pen kelisimdi saqtaý jáne rýhanı mádenıetti damytýǵa qosqan eleýli úlesi úshin Qazaqstan halqy Assambleıasynyń qoǵamdyq «Birlik» altyn medalimen marapattady.

2016 jyly «Saryaǵash medrese kolledjiniń» dırektory bolyp taǵaıyndaldy.

Sońǵy jańalyqtar