1 Shilde, 11:09 506 0 Ekonomıka Anar LEPESOVA

Otandyq qus fabrıkalary kún saıyn 800 tonna ónim óndiredi

Jyl basynan beri elimizde qus etiniń óndirisi ótken jylmen salystyrǵanda 6,3% ósti. Qańtar men mamyr aralyǵynda 100 myń tonnaǵa jýyq ónim óndirilgen.

Bul týraly QR Aýyl sharýashylyǵy mınıstrliginiń baspasóz qyzmeti habarlady.

Qazaqstanda qus etin 24 qus fabrıkasy shyǵarady. Kún saıyn olar 800 tonnaǵa deıin ónim óndiredi. Aqmola oblysynda - 200 tonnadan astam, Almatyda - 350-ge jýyq, Aqtóbe men Atyraýda - 7 tonnaǵa, Shyǵys Qazaqstan oblysynda - 130, Batys Qazaqstan, Jambyl jáne Qaraǵandy ​​oblystarynda - 20-dan astam, Qostanaı jáne Pavlodar -14, SQO - 6, OQO - 45 tonnaǵa jýyq. Jyl sońyna deıin barlyq sharýashylyq 300 myń tonnaǵa jýyq et óndiredi dep kútilýde.

Aıta ketý kerek, 2019 jyly respýblıkada 223 myń tonna qus eti óndirildi, al 2018 jyly 192 myń tonna . Óndiristiń turaqty ósýine baılanysty qus etiniń ımporty 4% -ǵa azaıdy. 2018 jyly 49% bolsa, 2019 jyly 45% -ǵa tústi.

Et óndirisin damytý baǵdarlamasyn júzege asyrýmen, sonymen qatar qus etin óndirýdi memlekettik qoldaý sharalary júıeli júrgizilgendikten qus sharýashylyǵy óziniń tıisti nátıjesin berdi.

Atap aıtqanda, qus etin odan ári ımportty almastyrýǵa arnalǵan qus sharýashylyǵyn damytý baǵdarlamasy aıasynda jańa qus fabrıkalaryn salý jáne qoldanystaǵy modernızaııany qarjylandyrý sharalary qabyldanýda.

Búginde Qazaqstanda 5 qus fabrıkasynyń qurylysy jalǵasýda. Sondaı-aq, Almaty, Atyraý jáne Qostanaıdaǵy qus fabrıkalaryn jóndeý boıynsha jumys júrgizilýde.

Elimizdegi joǵary sapaly ónim óndiretin qazirgi zamanǵy qus fabrıkalarynyń biri Shymkent qalasynda ornalasqan. «Shymkent qus» JShS 14 jyldan beri jumyrtqa men broıler etin óndirip keledi. Zaýytta jylyna 115 mln jumyrtqa jáne 2 myń tonna et óndiriledi. Qazir qustardyń jalpy sany 600 myńnan asady, olardyń ishinde 400 myńǵa jýyǵy taýyqtar, 92 myńnan astam bas janýar men 115 myń broıler bar. Kompanııa 320 adamdy jumyspen qamtyp otyr, olardyń ortasha jalaqysy 105 myń teńge.

 

Sońǵy jańalyqtar