30 Maýsym, 20:36 617 0 Jańalyqtar Asyl TUMAR

Qazaqstanda elektr energııasy ne sebepti qymbattaıdy

«Kazakhmys Distribution» JShS bas dırektory mindetin atqarýshy Temirlan Ótegenov Qazaqstanda elektr energııasynyń qymbattaýyna qatysty pikir bildirdi.

Onyń aıtýynsha, energııa óndiretin stansalardyń jumysyn qoldaý úshin tarıfterdi kóterý – ýaqtyly qabyldanǵan sheshim bolyp otyr, – dep jazdy QazAqparat.

«Shynynda da Energetıka mınıstrligi energııa óndiretin uıymdardyń tarıfti 16 paıyzǵa ósirý týraly usynysyn qoldady. Iaǵnı eger 2-3 bólmeli úıińiz bolsa, túpki tutynýshy úshin elektr energııasy 200-250 teńgege qymbattaıdy degen sóz. Mınıstrlik ne úshin mundaı qadamǵa baryp otyr? Jalpy qazandyqtar men trýbınalardyń tozý deńgeıi qazirgi ýaqytta elde ortasha eseppen 60 paıyzdy quraıdy. Aımaqtarda, máselen Temirtaý sekildi qalalarda bul kórsetkish tipti 80 paıyzdan asyp ketken. Demek jaǵdaı bulaı kete berse stanııa múlde jumys istemeı qalýy múmkin. Osyǵan baılanysty qalalarda elektr energııasy óship qalmaýy nemese qystygúni qıyn jaǵdaılar týyndamaýy úshin stanııa árdaıym jańǵyrtylyp otyrýy kerek», – dedi Temirlan Ótegenov QazAqparat tilshisine telefon arqyly aıtqan pikirinde.

Onyń sózine qaraǵanda, qazirgi ýaqytta elektr energııasyn óndiretin qurylǵylardy ustap turýdyń ózi qymbattap barady. Bir ǵana kómir baǵasynyń, logıstıkanyń jyl saıyn qymbattaýy stanııa jumysyna edáýir áserin tıgizedi.

«Osy qymbatshylyq tendenııasynyń jalǵasýy – stanııanyń burynǵy tarıfte qalyp, shyǵyndardy jabýyna múmkindik bermeıdi. Sondyqtan meniń oıymsha Energetıka mınıstrligi ýaqtyly sheshim qabyldap otyr. Qazirgi tańda bárimiz úırenip qaldyq: úıge kelsek, jaryq jarqyrap turady. Toqsanynshy jyldardy eske túsirip kórelik: ol kezde tipti jaryqty eki-úsh saǵatqa ǵana beretin edi ǵoı. Mundaı da ýaqyt ótti. Sol sebepti osy tendenııany saqtap, stanııa jumystaryn da qoldap otyrý kerek», – dedi ol.

Eske sala ketsek, búgin QR Energetıka mınıstrligi Elektr energetıkasyn damytý departamentiniń dırektory Aıdos Dáribaev 1 shildeden Qazaqstanda elektr energııasy qymbattaıtynyn habarlaǵan edi. Qazaqstan boıynsha energııa óndirýshi uıymdardyń shekti tarıfteriniń ortasha ulǵaıýy 16 paıyz deńgeıinde boljanýda.

Sońǵy jańalyqtar