29 Maýsym, 20:46 613 0 Jańalyqtar Anar LEPESOVA

Shildeniń sońyna deıin Qazaqstanda ınfekııalyq tósek-oryndar sany 50 paıyzǵa artady

Prezıdent Qasym-Jomart Toqaev Úkimetke shilde aıynyń sońyna deıin ınfekııalyq tósek-oryndar sanyn 50 paıyzǵa deıin arttyrýdy tapsyrdy. 

«Bizdiń basty mindetimiz – densaýlyq saqtaý salasyn negizgi resýrstarmen qamtamasyz etý. Qazirgi tósek oryndary aıtarlyqtaı artyq júktememen jumysqa jarap jatyr. Sonymen birge aımaq basshylarynyń baıandamalary men pandemııaǵa qarsy kúres júrgizilip jatqan oqıǵa ornynan alynatyn aqparattardyń arasynda úlken aıyrmashylyq bar. Shynaıy jaǵdaı týraly baıandama jasaý kerek. Aqyr sońynda qazirgi jaǵdaımen betpe-bet kelip otyrmyz. Shynaıy aqparat alamyz desek te ártúrli aqparat kózi baryn atap ótý kerek», - dedi Prezıdent koronavırýs indetiniń taralýyna qarsy kúres sharalary jónindegi keńeste. Memleket basshysy dári-dármek pen jeke qorǵanys quraldarynyń jetispeıtinin, testileý úshin zerthanalardyń qýattylyǵy az ekenin, kompıýterlik tomografııa úshin jáne ókpeni jasandy jeldetý qurylǵylary jetispeı jatqanyn da jetkizdi. «Densaýlyq saqtaý mınıstrligi qazirgi problemany sheshý jónindegi usynystardy bildirdi. Biz búgingi kúni baıandamalardy, daǵdarys jaǵdaıynan shyǵýdyń amaldaryn tyńdadyq. Bul baıandama men Densaýlyq saqtaý mınıstrliginiń sharalaryn men qoldaımyn. Endigi is – bul jospardyń tıimdi júzege asyrylýynda», - dedi Q.Toqaev.

Sondaı-aq, Memleket basshysy Úkimet pen ákimderge qazirgi problemany sheshý úshin qarjylyq jáne ınfraqurylymdyq resýrstardyń bárin jumyldyrýdy júktedi.

«Pandemııanyń ekinshi tolqynynyń kelý yqtımaldyǵyn eskere otyryp, shilde aıynyń sońyna deıin ınfekııalyq tósek oryndardyń sanyn 50 paıyzǵa deıin arttyrýdy tapsyramyn. Oǵan deıin aımaqtar jeke jáne vedomstvolyq medıınanyń búkil rezervin paıdalanýy kerek. Úkimetke dári-dármek preparattarymen qamtamasyz etý máselesin bes kúnniń ishinde sheshýdi tapsyramyn», - dedi Prezıdent.

Aıta keteıik, buǵan deıin Memleket basshysy Úkimetke 2 kúnniń ishinde osy jyldyń naýryz-mamyr aıyndaǵydaı qatań karantın sharalaryn engizý boıynsha usynys ázirleýdi júktegen.

Sondaı-aq, koronavırýs indetiniń taralýyna qarsy kúres sharalary jónindegi keńeste  Q.Toqaev ákimder men mınıstrlerdiń halyqtyń aryz-shaǵymyna der kezinde jaýap bermeıtinin synǵa aldy.

Sońǵy jańalyqtar