29 Maýsym, 17:28 520 0 Óner Anar LEPESOVA

Dımash taǵy da Qytaıdaǵy eń úzdik shetel ártisi atandy

7 jáne 28 maýsym aralyǵynda Qytaıdyń tanymal Sina platformasynda Sina News pen Sina Entertainment uıymdastyrýymen "Leading 2020 Sina Entertainment festival" daýys berý rásimi ótti, dep habarlaıdy dimashnews.com. 

21 kún daýys berý qorytyndysy boıynsha Dımash 1.404.488 daýys jınap, "Eń úzdik tanymal shetel artısi" nomınaııasyn jeńip aldy.

Sina (qytaı tilinde: 新浪; pinyin: Xīn Làng) – búkil álemge baılanys ornatýǵa ashyq platforma usynyp otyrǵan qytaılyq ınternet-kompanııa. Kompanııanyń 4 negizgi qyzmet baǵyty bar: olar Sina Weibo, Sina Mobile, Sina Online jáne Sinanet. Sina baǵytynyń álem boıynsha 100 mıllıonnan astam tirkelgen qoldanýshysy bar.

1

Sina kompanııasy men onyń platformalarynyń Qytaıdyń medıa keńistigi men kóńil kóterý salasynda yqpaly orasan zor. Sina Weibo – Twitter-ge uqsas, Qytaıdaǵy mıkroblogıng naryǵynyń 56,5%-yn qamtyp otyrǵan áleýmettik mıkroblog-jeli. Sonymen qatar, bul súıikti aıdoldaryna qoldaý bildirý úshin jınalatyn fanattardyń eń iri ári mańyzdy platformasy. Sonymen birge, tanymal adamdar Weibo jelisinde jeke akkaýnttar tirkep, shyǵarmashylyǵymen bólisip, fanattarymen baılanys ornatady.

Demeýshiniń aıtýynsha, "Leading 2020 Sina Entertainment festival" sharasynyń basty maqsaty – 2020 jyldyń birinshi jartysynda úzdik dep tanylǵan fılmder, telebaǵdarlamalar, mýzykalyq shyǵarmalar jáne varetemen kópshilikpen bólisý. Osylaısha, artıstermen jáne olardyń jumystarymen kóbirek adam tanysyp, kóńil kóterý ındýstrııasy damýyna oń áserin tıgizedi.

Sońǵy jańalyqtar