29 Maýsym, 17:14 843 0 Saıasat Anar LEPESOVA

Qasym-Jomart Toqaev úsh ákimge sógis jarııalady

Prezıdent Qasym-Jomart Toqaev birneshe ákimge sógis jarııalady. Bul týraly Prezıdenttiń baspasóz hatshysy Berik Ýálı jelidegi paraqshasynda jazdy.

«Qasym-Jomart Toqaev koronavırýs indetiniń taralýyna qarsy sharalar qabyldaý jónindegi keńeste ózderine júktelgen mindetterdi shala oryndaǵan birqatar sheneýniktiń jumysyn synǵa aldy. Osyǵan baılanysty Memleket basshysy jumysyna salǵyrt qaraǵany úshin Shymkent qalasynyń ákimi M.Áıtenovke, Aqtóbe oblysynyń ákimi O.Orazalınge, Pavlodar oblysynyń ákimi Á.Sqaqovqa jáne Vedomstvoaralyq komıssııanyń tóraǵasy E.Toǵjanovqa sógis jarııalady», dedi Berik Ýálı.

Sondaı-aq, Nur-Sultan qalasynyń ákimi A.Kólginovke, Almaty qalasynyń ákimi B.Saǵyntaevqa, ıfrlyq damý, ınnovaııalar jáne aeroǵarysh ónerkásibi mınıstri A.Jumaǵalıevke eskertý jasaldy.

«Atyraý, Qostanaı jáne Batys Qazaqstan oblystarynyń ákimderine óńirlerdegi ahýaldy retteý qajettigin eskertti. Atalǵan másele barlyq oblystyń basshylaryna da qatysty ekenin aıtty», - dep tolyqtyrdy B.Ýálı.

 

Sońǵy jańalyqtar