29 Maýsym, 15:50 788 0 Qoǵam Anar LEPESOVA

Almatydaǵy eń iri avtobýs parkteriniń biri jumysyn toqtatty

Almatyda jolaýshylar tasymalymen aınalysyp kelgen "AvtoTransGaz" JShS jumysyn toqtatty. Almaty qalasy Mobıldilik basqarmasynyń basshysy Erlan Ádilovtiń aıtýynsha, kompanııanyń jabylýyna qarjylaı qıyndyqtar sebep bolǵan. 

Bul mekeme qaladaǵy № 3, 16, 29, 29R, 34, 47, 50, 85, 106, 107, 112, 126 baǵyttar boıynsha qyzmet kórsetip kelgen.

Qala ákimdigi, sondaı-aq, "AvtoTransGaz" JShS jumysyn bıyl qańtar aıynda toqtatatyny týraly habarlaǵanyn jetkizdi.

"Kompanııanyń jabylýy – bul qalypty bıznes úrdis. Mekemedegi avtobýstardyń bir bóligi jańartýdy qajet etken, al kompanııa oǵan daıyn bolmady. Sondyqtan naryqtan ketý sheshimin qabyldady. Avtobýs baǵyttaryn ózge tasymaldaýshylarǵa bólip berý qarastyrylǵan, olar jańa avtobýs satyp alýlary kerek bolǵan. Alaıda pandemııaǵa baılanysty avtobýs satyp alýdy keıinge qaldyrdy", - deıdi ákimdiktegiler.

Sońǵy jańalyqtar