29 Maýsym, 16:21 352 0 Jahan Anar LEPESOVA

COVID-19: Armenııada indet qurbandarynyń sany 433-ke jetti

Armenııada koronavırýs juqtyrǵandar sany 25 127 adamǵa jetti. 

Armenpress agenttiginiń habarlaýynsha, qazirgi ýaqytta elde indetke shaldyqqan 11 254 adam em qabyldaýda.

Ótken táýlikte qaterli vırýstan 7 adam kóz jumyp, elde indet qurbandarynyń sany 433-ke jetti.

Buǵan deıin eldiń premer-mınıstri Nıkol Pashınıan Armenııa álem boıynsha 1 mln turǵynǵa shaqqanda vırýs juqtyrǵandar sany boıynsha aldyńǵy qatarda turǵanyn málimdegen edi.

Armenııada alǵash ret 16 naýryzda jarııalanǵan 1 aılyq tótenshe jaǵdaı rejımi 13 sáýirde taǵy bir aıǵa uzartylǵan bolatyn. Eldegi epıdemıologııayq ahýal turaqtalmaǵan soń Armenııa úkimeti tótenshe jaǵdaı rejımin áýeli 13 maýsymǵa deıin, keıinnen taǵy bir aıǵa, 13 shildege deıin sozdy.

 

Sońǵy jańalyqtar