29 Maýsym, 12:53 356 0 Jańalyqtar Anar LEPESOVA

Memlekettik aqparattyq tapsyrystar qaıta formattalady – mınıstr

Aqparat jáne qoǵamdyq damý mınıstri Aıda Balaeva halyqqa esep berý kezdeýinde mınıstrliktiń otandyq BAQ-ty damytýǵa qatysty josparlaryn jarııalady. 

«Qazirgi tańda bizdiń vedomstvonyń aldynda birqatar mindet tur. Jumystyń tabysty bolýy osy mindetterdiń iske asyrylýyna baılanysty. BAQ-ty damytý salasynda memlekettik aqparattyq tapsyrystar qaıta formattalady. Bul rette analıtıkalyq materıaldardyń, shyǵarmashylyq jáne mýltımedıalyq kontenttiń úlesi artady», - dedi Aıda Balaeva.

Mınıstrdiń aıtýynsha, baspa BAQ-tyń, ınternet-resýrstar men teleradıoholdıngterdiń qurylýy arqyly memlekettik medıaresýrstar ońtaılandyrylady. Sonymen qatar, Qazmedıa ortalyǵy modernızaııadan ótpek.

Aıta keteıik, buǵan deıin Aıda Balaeva qazaqstandyq BAQ-ty memlekettik qoldaý qadamdary qaıta qaralatynyn málimdegen.

Sondaı-aq, mınıstr elimizde eki jańa telearna – «Abaı TV» jáne «Ál – Farabı» arnalary ashylatynyn habarlaǵan.

 

Sońǵy jańalyqtar