29 Maýsym, 12:09 508 0 Jańalyqtar Anar LEPESOVA

Erteń elimizde «Abaı TV» telearnasy iske qosylady

30 maýsymda «Abaı TV» telearnasy iske qosylady.  Bul týraly QR Aqparat jáne qoǵamdyq damý mınıstri Aıda Balaeva málimdedi, dep habarlaıdy BAQ.KZ. 

Mınıstrdiń aıtýynsha, vedomstvo otandyq aqparattyq keńistiktiń básekege qabilettiligin damytý jáne arttyrý boıynsha dáıekti jumystar júrgizýde. Qazirgi ýaqytta eki jańa «Abaı TV» jáne «Ál – Farabı» telearnalaryn ashý máselesi qarastyrylýda.

«Abaı TV» telearnasyn erteń - 30 maýsymda iske qosamyz. Ol «Qazaqstan» TRK quramyna kiredi jáne otandyq mádenıettiń baılyǵy men murasyna arnalǵan jańa arna bolady, - dedi ol.

Aıda Balaevaenyń aıtýynsha, ekinshi «Ál – Farabı» telejobasy «Habar» agenttiginiń bazasynda oqý jylynyń basynda iske qosylady.

«Ál-Farabı» arnasy 6 jastan 18 jasqa deıingi balalar men jasóspirimder aýdıtorııasy bar jańa bilim berý – aǵartý televızııalyq platformaǵa aınalady. Mundaı arnanyń ózektiligi ásirese, pandemııa kezinde baıqaldy, - dedi ol.

Sondaı-aq, mınıstr otandyq serıaldyq ónimder óndirisi jalǵasatynyn aıtty.

"Bıyl 42 serıal óndirisi josparlanǵan. Kórermender nazaryna otbasy qundylyqtary, volonterlerdiń qyzmeti týraly qyzyqty jobalar, pedagogtar, dárigerler, polıeılerdiń ımıdjin kóterýge, salamatty ómir saltyn nasıhattaýǵa baǵyttalǵan serıaldar usynylady", - dedi ol.

Sońǵy jańalyqtar