29 Maýsym, 11:35 614 0 Áleýmet Anar LEPESOVA

Elimizde jumyssyz jastar sany 3,8 paıyzǵa azaıdy

Qazaqstanda jumyssyz jastar sany 3,8 paıyzǵa azaıdy, dep habarlaıdy  finprom.kz. 

Portaldyń zertteýinshe elimizde osy jyldyń alǵashqy toqsanynda 15–28 aralyǵyndaǵy 78,9 myń jumyssyz jas azamat bolǵan. Bul – eldegi jumyssyzdardyń 17,8 paıyzy. Bir jyldyń ishinde bul kórsetkish 5,8 paıyzǵa azaısa, jumyssyz jastar deńgeıi 3,8 paıyzǵa tómendegen.

«Jumyssyzdardyń kóbi halyq tyǵyz ornalasqan aımaqtarda shoǵyrlanǵan. Máselen 15-28 aralyǵyndaǵy jumyssyz jastardyń kóbi Almaty qalasy(15,7 myń), Almaty oblysy (7,7 myń) men Túrkistan (6,4 myń) oblysynda júr. Óz kezeginde 15–28 jas aralyǵyndaǵy jumysy bar jastardyń sany 2 mıllıon adamǵa jetti. Jumystan qysqarý jaǵdaıynyń kóbi Jambyl (−22,4%), Shyǵys Qazaqstan (−13,9%) jáne Aqtóbe (−11,3%) oblystarynda tirkelgen. Jalpy jumysy bar jastardyń kóbi Almaty oblysynda (247,7 myń) shoǵyrlanǵan. Bul baǵyttaǵy úzdik úshtikke Almaty qalasy (245,8 myń) jáne Túrkistan oblysy (175,5 myń) endi», - delingen habarlamada.

Jastar eńbek etetin jumys salalarynyń alǵashqy bestigine saýda, aýyl jáne orman, balyq sharýashylyǵy, bilim, qurylys jáne memlekettik basqarý, qorǵanys kiredi.

 

Sońǵy jańalyqtar