4 Maýsym, 13:09 436 0 Rýhanııat Túrkistan Gazeti

Rymǵalı Nurǵalıdyń atyna kóshe berý usynyldy

Qazaq ádebıeti men rýhanı álemine ólsheýsiz úles qosqan aıtýly ǵalymdardyń biri Rymǵalı Nurǵalı bolatyn. Ol keńestik júıeniń tar sheńberinde ómir súre júrip , ishteı keshegi ótken Alash arystarymen rýhtas bola bildi. Bıyl dańqty ǵalymnyń týǵanyna 80 jyl tolady.   

L.N.Gýmılev atyndaǵy Eýrazııa ulttyq ýnıversıteti Rymǵalı Nurǵalıdyń 80  jyldyǵyna oraı «Ádebıettaný ǵylymynyń aıqanatty arǵymaǵy» atty halyqaralyq onlaın konferenııa ótkizdi.

Halyqaralyq onlaın konferenııa jumysyna  Nur-Sultan, Almaty, Atyraý, Aqtaý, Óskemen, Semeı, Qyzylorda, Qaraǵandy taǵy basqa Qazaqstannyń ár aımaǵynan qatysýshylar lebizderin joldady. Sonymen qatar Reseıden, Tatarstannan akademıktiń dosy, Qazan ýnıversıtetiniń professory H.Iý.Mınnegýlov onlaın baılanysqa shyǵyp, sálem joldady.

Ǵalymǵa arnalǵan onlaın jıyn Eýrazııa ulttyq ýnıversıtetiniń rektory akademık E.B. Sydyqovtyń, atalǵan bilim ordasynyń prorektory akademık D.Qamzabekulynyń joldaǵan ıgi tilektermen ashyldy. QR UǴA akademıgi Ǵarıfolla Esim: «Joldas, syrlas, saparlas boldyq. Rymǵalı Nurǵalı úlken Alash jolyn jalǵastyrýshy. Ol ádebıet áleminde báseke qalyptastyrý arqyly, ádebı maıtalmandar jaıly óz estelikterimen bólise otyra, ádebı synnyń da damýyna orasan zor úles qosty», – dep atap ótti.

Akademıktiń shákirti, Nur-Sultan qalasyndaǵy Qazaqstan Jazýshylar Odaǵy fılıalynyń dırektory, belgili aqyn Dáýletkereı Kápuly ǵalymnyń  adamdyq bolmysyn,  azamattyq qasıetterin saralaı kele, ustaz armanyn eske ala otyryp,  Nur-Sultan qalasyna A.Baıtursynovtyń eskertkishin ornatý týraly usynysynyń júzege asýyn qoldaýdy ǵylymı qaýymnan surady. Jáne Elorda tórinen mekteptiń atyn berý máselesi sheshilip jatqanyn aıtty.

L.N.Gýmılev atyndaǵy EUÝ Teleradıo jáne qoǵammen baılanys kafedrasynyń meńgerýshisi, ǵalymnyń shákirti Serikzat Dúısenǵazy: «Rymǵalı Nurǵalıdyń qazaq ádebıeti men tarıhyna qosqan úlesi zor ekendigi sózsiz. Soǵan baılanysty elimizde mektepter men kóshelerge ol kisiniń atyn  berý týraly usynysty qoldaýymyz kerek»  – degen pikir bildirdi.

B.Balyqbaı

 

Sońǵy jańalyqtar