1 Maýsym, 18:02 3138 0 Jańalyqtar Asyl TUMAR

Qyrǵyz-ózbek qaqtyǵysy shekaradaǵy sýǵa talastan bastalǵan

Foto - "Azattyq" radıosy
Foto - "Azattyq" radıosy

31 mamyrda Qyrǵyzstannyń Batken oblysynda Ózbekstanmen shekaralas aýmaqta 10 adam arasynda qaqtyǵys boldy. Qyrǵyzstannyń Chechme aýyly men Ózbekstannyń Chashma aýyly turǵyndarynyń arasynda daý shyqty, ­– dep habarlaıdy AKIpress.

Basylymnyń málimetinshe, bul qaqtyǵysqa eki aýyl turǵyndary Chechme aýylyndaǵy sý kózi sebep bolǵan. Taraptardyń biri sý kózi ózderine tıesili ekenin aıtyp, nátıjesinde daý shyǵyp, qaqtyǵysqa ulasqan.

Oqıǵa ornyna jergilikti bılik ókilderi kelip, qaqtyǵysty toqtatý úshin túsindirý jumystaryn júrgizgen.

Derekkóz málimetinshe, aýyl turǵyndary bir-birine tas laqtyrǵan. Aldyn ala málimet boıynsha, jaraqat alǵandar bar.

Qyrǵyzstannyń vıe-premeri Akram Madýmarov qyrǵyzstandyqtar men ózbekstandyqtar arasynda qaqtyǵys bolǵanyn rastady.

Tengrinews.kz-tiń jazýynsha, Akram Madýmarov: «Jyl saıyn eki aýyldyń turǵyndary sý kózin tazartý jumystaryn júrgizedi. Bul joly belgisiz sebeptermen olardyń arasynda daý shyǵyp, bir-birine tas laqtyrǵan. Jergilikti bıliktegiler olarmen sóılesip jatyr. Bul sý kózin eki aýyl qoldanǵandyqtan mundaı daý jıi bolyp turady. Jaǵdaıdyń ýshyǵýyna jol bermeımiz», ­– dep resmı málimet bergen.

Oqıǵa ornyna barǵan «Azattyq» tilshisiniń málimetinshe, saǵat 19:30-da turǵyndar áli de bir-birine tas laqtyrǵan. Jedel járdem kóligi zardap shekkenderge alǵashqy kómek kórsetken.

Derekkózdiń málimetinshe, saǵat 22:00-de ǵana eki tarap kelisimge kele alǵan. Qyrǵyzstannyń densaýlyq saqtaý mınıstrliginiń ókilderi shekarada bolǵan qaqtyǵystan 15 adamnyń zardap shekkenin habarlady.

Ózbekstanda turatyn tájik jýrnalısi Mırasror Fargonı «Ahbor» basylymyna bergen suhbatynda Soh aýdanynyń ortalyq aýrýhanasyna 146 adam jetkizilgen.

Sońǵy jańalyqtar