1 Maýsym, 10:45 1291 0 Jańalyqtar Asyl TUMAR

Ana men balany qoldaýǵa 4 aıda 190 mlrd teńge bólindi

2020 jylǵy qańtar-sáýir aralyǵynda balaly otbasylarǵa áleýmettik qoldaý kórsetý sheńberinde respýblıkalyq bıýdjetten, sondaı-aq Memlekettik áleýmettik saqtandyrý qorynan (MÁSQ) jalpy somasy 190 mlrd teńge bólindi, – dep habarlady QR Eńbek jáne halyqty áleýmettik qorǵaý mınıstrliginiń baspasóz qyzmeti.

Máselen, 111,5 myń adam (jalpy somasy 13 mlrd teńge bolatyn) bala týǵanda beriletin bir jolǵy járdemaqyny, al sáýirde osyndaı tólemdi 31,4 myń adam (3,7 mlrd teńge) aldy. Bala bir jasqa tolǵanǵa deıin onyń kútimine baılanysty aı saıynǵy járdemaqyny orta eseppen 139,9 myń adam alady, olarǵa 11,9 mlrd teńge tólendi. Sáýir aıynda bul járdemaqyny 140,7 myń adam aldy (3,1 mlrd teńge).

«Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen marapattalǵan kópbalaly analarǵa tólenetin aı saıynǵy járdemaqymen orta eseppen 233,9 myń áıel adam qamtyldy, sáýir aıynda 234,5 myń adamǵa 4 mlrd teńge tólendi. 4 jáne odan da kóp kámeletke tolmaǵan balalary bar otbasylarǵa arnalǵan járdemaqymen orta eseppen 384,9 myń otbasy qamtylǵan(jalpy somasy 73,5 mlrd teńge), sáýir aıynda 396,5 myń adam járdemaqy aldy (19 mlrd teńge).

Múgedek bala tárbıelep otyrǵan adamdarǵa tólenetin járdemaqyny 88,4 myń adam (jalpy somasy 15,8 mlrd teńge) aldy, sáýir aıynda 90 myń adamǵa 4,1 mlrd teńge tólendi.

18 jastan asqan bala kezinen birinshi toptaǵy múgedekke kútim jasaý boıynsha aı saıynǵy jańa járdemaqyny orta eseppen 14,4 myń adam alady, olarǵa 2,6 mlrd teńge tólendi, sáýirde 14,6 myń adamǵa 644,9 mln teńge tólendi. Bolashaq ana bosanýǵa tolyq daıyn bolýy úshin 2008 jyldan bastap Memlekettik áleýmettik saqtandyrý qorynyń qarajaty esebinen mindetti áleýmettik saqtandyrý júıesine qatysýshy jumys isteıtin áıelder júktilik jáne bosaný úshin birjolǵy tólem alady.

2020 jyly ony jalpy somasy 25,9 mlrd teńgege 61,7 myń adam aldy. Sáýir aıynda tólemdi 4,9 mlrd teńge somasyna 9,8 myń adam aldy. MÁSQ-tan bala bir jasqa tolǵanǵa deıin onyń kútimi boıynsha aı saıynǵy járdemaqy júrgiziledi. Aǵymdaǵy jylǵy qańtar-sáýir aılarynda ony 31,1 mlrd teńgege 273 myń adam, sáýir aıynda 7,8 mlrd teńgege 218,4 myń adam aldy.

Sońǵy jańalyqtar