31 Mamyr, 20:17 2307 0 Jańalyqtar Asyl TUMAR

Shymkentte erteńnen bastap 2 myńnan astam nysan jumysyn bastaıdy

Sýret ǵalamtordan alyndy
Sýret ǵalamtordan alyndy

Shymkentte 1 maýsymnan bastap 2 myńnan asa shaǵyn jáne orta bıznes nysandary jumysyn bastaıdy. Qalanyń bas sanıtary karantındik shekteýlerge qatysty qaýlyǵa ózgerister engizdi, – dep jazdy QazAqparat.

Búgin aqparattyq-kommýnıkaııalyq ortalyǵynda ótken brıfıngte sóz alǵan qala ákiminiń orynbasary Maqsut Isahov erteńnen bastap iske qosylatyn nysandar men shekteýlerdiń alynýy boıynsha baıandady.

«Shymkentte bıylǵy jyldyń 1, 4 jáne 11 mamyr kúnderi 3 kezeń boıynsha 6 912 nysan iske qosylyp, 166 myńnan astam adam jumysyna qaıta kirisken bolatyn. Al, tórtinshi kezeń boıynsha 1 maýsymnan bastap 2 095 orta jáne shaǵyn bıznes nysandary qaıta iske qosylady. Iaǵnı, 33 myńnan astam jumysshy óz isine kirisedi degen sóz», – dedi qala ákiminiń orynbasary.

Qaýlyǵa sáıkes, maýsym aıynan bastap azyq-túlik pen qajetti taýarlardy satatyn sýpermarketter, gıpermarketter jáne saýda jelileri jumysyn bastaıdy.

Sondaı-aq, qoǵamdyq tamaqtaný oryndary jáne jazǵy alańdar 50 adamǵa deıin qabyldaı alady. Jalpy sany 1 320 nysanǵa saǵat 06:00-21:00 aralyǵynda qyzmet kórsetýge ruqsat berildi. Tek qoǵamdyq tamaqtaný oryndaryna qudalyq, týǵan kún, mereı toılar sııaqty merekelik sharalardy ótkizýge tıym salynǵan.

Jattyǵý zaly men fıtnes-ortalyqtary, saýnalar men SPA-salondary, jeke kabınalary bar monshalar da ashylyp, jumys isteıtin boldy. Avtokólik jáne mal satatyn bazarlar, sporttyq jáne mádenı nysandar (kórermenderdiń qatysýynsyz), bilim berý ortalyqtary men úıirmeler, daıyndyq toptary, halyqqa qyzmet kórsetý jáne jumyspen qamtý ortalyqtary qalypty jumys rejımine kóshedi.

Mektepke deıingi uıymdardaǵy kezekshi toptar da 20 balaǵa deıin qabyldap, temirjol qatynastary qalpyna keltiriledi dep kútilýde. Tek balabaqshaǵa balany aparar kezde ata-anasy dárigerden ruqsat qaǵaz alyp, jumys ornynan anyqtama alyp kelýi talap etiledi.

Sondaı-aq, 2 maýsymnan bastap qaladaǵy avtovokzaldar men avtobeketter jumysyn qaıta bastamaq. Al, kınoteatrlar 15 maýsymnan bastap jumystaryna kirisedi dep josparlanǵan. Budan bólek, brıfıngte qala aýmaǵyndaǵy barlyq toptaǵy nysandar jumysyn tańerteńgi saǵat 6:00-21:00 aralyǵyndaǵy rejımde jalǵastyra alatyny belgili boldy.

«Saıabaqtar men skverler, alańdar men jaǵalaýlarda betperdelik rejım saqtala otyryp, shekteýsiz rejımge kóshiriledi. Osy rette barlyq iske qosylatyn kásipkerlik nysandar kúsheıtilgen sanıtarııalyq-dezınfekııalyq tártippen jumys isteıdi», – dedi M.Isahov.

Sońǵy jańalyqtar