31 Mamyr, 11:41 971 0 Jańalyqtar Asyl TUMAR

Búgin túnde Almatydaǵy blokbeketter alynady – ákim

Sýret - ákimniń ınstagram paraqshasynan alyndy
Sýret - ákimniń ınstagram paraqshasynan alyndy

Almatyda 1 maýsymǵa qaraǵan túni qala boıynsha ornalasqan barlyq blokpostar alynady. Bul týraly qala ákimi Baqytjan Saǵyntaev Instagram áleýmettik paraqshasynda málimdedi.

«1 maýsymǵa qaraǵan túni qala aýmaǵy boıynsha ornalasqan blokpostardy alamyz. Tótenshe jaǵdaı rejımi kezinde bul beketter qaladan shyǵý jáne qalaǵa kirýdi shektedi. Bul – koronavırýstyń taralýyn toqtatý úshin qajetti shara boldy. Barlyq polıııa, sanıtarlyq qyzmet, fıto jáne vetbaqylaý qyzmetkerlerine, aýdandyq ákimdikter men Ulttyq gvardııa, Qorǵanys mınıstrliginiń áskerı qyzmetshilerine alǵysymdy bildiremin», – dedi Saǵyntaev.

Onyń aıtýynsha, elde, sonyń ishinde Almatyda jaǵdaıdyń turaqtanýyna baılanysty shekteý alynady.

Qala basshysy barlyq kásiporyndar men uıymdar sanıtarlyq qaýipsizdiktiń kúsheıtilgen sharalary negizinde jumys isteıtinin eske saldy. Úılerdi, aýla alańdary men kóshelerdi dezınfekııalaý jumystary júrgizile beredi.

«Belgilengen tártipke baǵynyp, sanıtarlyq gıgıena men áleýmettik qashyqtyqty saqtap, qorǵanys maskalaryn kıip júrýge shaqyramyn. Bul qazirgi ómirdiń qalypty normasyna aınalýy tıis. Ózińizdi jáne jaqyndaryńyzdy qorǵańyz!», – dep jazdy qala ákimi.

 

Sońǵy jańalyqtar