31 Mamyr, 09:08 584 0 Jańalyqtar Asyl TUMAR

Búgin – saıası qýǵyn-súrgin jáne asharshylyq qurbandaryn eske alý kúni

Búgin – HH ǵasyrdyń basynda talaıdy sarsańǵa salyp, qasiret shektirgen saıası qýǵyn-súrgin qurbandaryn eske alý kúni.

Dál osy kúni 1920 jyldardyń sońynda jáne 1932-1933 jyldar aralyǵynda qasaqana uıymdastyrylǵan jasandy zaýaldan zardap shekkenderdi de eske alamyz.

Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń Jarlyǵymen 1997 jyldan bastap atap ótilip kele jatqan saıası qýǵyn-súrgin qurbandaryn eske alý kúni Qazaqstan úshin aıryqsha maǵynaǵa ıe.

Elbasy: «Etnostyq jáne dinı tegi bólek mıllıondaǵan adamdar, totalıtarlyq júıeniń dıirmenine tú­sip, ózgeshe oılaǵany úshin kúnásiz sottalyp, tý­ǵan jerlerinen aıaýsyz aıdalyp, GÝLAG túr­melerinde jazyqsyz kóz jumdy. Biz úshin, azat, Táýelsiz Qazaqstannyń árbir azamaty úshin olardy eske alý jáne este saqtaý qasıetti paryz».

«Halyq jaýyn» anyqtaý boıynsha qatań saıasattyń saldarynan qýǵyn-súrginge ushyraǵandardyń ózderi ǵana emes, olardyń jaqyndary da zardap shekti. Resmı derekterge súıensek, Qazaqstanda 103 myńnan astam adam qýǵyn-súrginge ushyrady, 25 myńnan astamy atý jazasyna kesildi. Olardyń arasynda ǵalymdar, mádenıet jáne saıasat salasynyń qaıratkerleri, dárigerler boldy.

Sońǵy jańalyqtar