30 Mamyr, 16:34 326 0 Sport Anar LEPESOVA

Badmıntonnan álem chempıonaty 2021 jyly ótetin boldy

Dúnıejúzilik badmınton federaııasy koronavırýs pandemııasyna baılanysty jasóspirimder arasyndaǵy 2020 jylǵy álem chempıonatyn keıinge shegerdi.

Jańa Zelandııanyń Oklend qalasynda ótetin chempıonat endi 2021 jyldyń qańtaryna aýystyryldy. Bul týraly  Ulttyq olımpıada komıtetiniń baspasóz qyzmeti habarlady.

Jasóspirimder arasyndaǵy aralas komandalyq álem chempıonaty 11-16 qańtar aralyǵynda, jasóspirimder arasyndaǵy álem chempıonaty 18-24 qańtar aralyǵynda ótedi. Jańa Zelandııanyń koronavırýs pandemııasyna qarsy kúres tásili joǵary baǵaǵa ıe bolyp, bir apta ishinde birde-bir vırýs juqtyrý oqıǵasy tirkelmegendikten BWF mundaı sheshim uıymdastyrýshylarǵa jarys ótkizýge kóbirek múmkindik beredi dep málimdedi.

Oǵan qosa qazir Jańa Zelandııaǵa kelgen adam 14 kúndik karantınge jatýy kerek. Vırýs juqtyrý oqıǵalary tirkelmegendikten saparlarǵa qoıylǵan shekteý alynyp, tek el azamattary men turǵyndaryna elge kirýge ruqsat beriletin tárizdi.

«Barlyq jaıtty eskere otyryp, bul COVID-19-ǵa baılanysty týyndaıtyn kez-kelgen qıyndyqtan qashýǵa múmkindik beredi. Biz Jańa Zelandııadaǵy Badmınton federaııasymen seriktestik ornatyp, Oklendte úlken shoý ótkizetin kúndi asyǵa kútip otyrmyz», - dedi BWF bas hatshysy Tomas Lýnd.

 

Sońǵy jańalyqtar