30 Mamyr, 13:06 692 0 Jahan Anar LEPESOVA

Taıland týrısterdi qashan qabyldaıtyny belgili boldy

Taıland 1 shildeden bastap sheteldik týrısterge shekarasyn ashpaq. El úkimeti maýsymnyń sońynda bıznes pen týrızmge qatysty barlyq shekteýlerdi alyp tastaýdy josparlap otyr.

The Thaiger basylymynyń habarlaýynsha, 1 shildege deıin Taılandta tótenshe jaǵdaı men komendanttyq saǵat toqtatylmaq. Eldegi ózge de shekteýler  birtindep alyna bastaıdy. Ishki jáne halyqaralyq saparlarǵa qatysty tyıymdar da kúshin joıady.

Dese de, Taıland bıligi sanıtarlyqó talaptardy oryndaý, atap aıtqanda, maska taǵyp júrý jáne áleýmettik qashyqtyq saqtaý shekteýler alynǵannan keıin de mindetti bolyp qalatynyn eskertýde.

Sońǵy derek boıynsha, Taılandta 3076 adamnan koronavırýs anyqtalǵan. Elde indetten 57 adam qaıtys boldy.

Aıta keteıik, buǵan deıin Italııa týrızmi pandemııa saldarynan tabysynyń 80 paıyzyn joǵaltýy múmkin ekenin habarlaǵanbyz.

Qazaqstandyq mamandar da otandyq týrızmniń kirisi 70-80 paıyzǵa kemýi múmkin degen boljam jasady.

Sońǵy jańalyqtar