29 Mamyr, 21:12 370 0 Bilim Anar LEPESOVA

Zamanǵa saı mektep – sapaly bilim negizi

Elimizde bilim oshaqtaryn kúrdeli jóndeýden ótkizý, mektepterdi zamanaýı qural-jabdyqtarmen qamtamasyz etý, oqýshylardyń sapaly bilim alýyna jaǵdaı jasaý máselesi únemi basty nazarda. 

Kúrdeli jóndeý jumystary júrgizilip jatqan bilim berý mekemeleriniń biri  – Almaty oblysy Sarqan aýdanyndaǵy mektepke 10 mıllıon teńge bólingen. Osy qarajat esebinen mektep ishine dárethanalar ornatyp, aýladaǵy dárethanalardy alyp tastaý kózdelip otyr. 

Al D.Raqyshov atyndaǵy mektep-ınternatty jóndeý jumystaryna 35 mln teńge bólindi. Taldyqorǵan qalasyndaǵy bilim mekemesiniń oqý korpýsy men jataqhanasynyń esik-terezesi túgeldeı aýystyrylyp,  tósek-oryn jabdyqtary tolyq jańartylmaq. 

Sondaı-aq, Shymkent qalasyndaǵy №18 Sh.Ýálıhanov atyndaǵy jalpy bilim beretin ınklıýzıvti mektep te kúrdeli jóndeýden ótkizilmek. Mekemeniń esik-terezeleri, edenderi, sý qubyrlary tolyq aýystyrylady. Sondaı-aq, sporttyq alań qurylysy josparlanǵan. 

11 mamyrda jóndeý jumystary bastalyp ketti.  Jańarǵan ǵımarat qyrkúıek aıynda paıdalanýǵa beriledi. 

Sońǵy jańalyqtar