29 Mamyr, 20:58 510 0 Qoǵam Anar LEPESOVA

Jekemenshik BAQ qoldaýdan qaǵylmaıdy – Aıda Balaeva

Búgin QR Aqparat jáne qoǵamdyq damý mınıstri Aıda Balaeva kezekti qoǵamdyq qabyldaý ótkizdi. Bul týraly mınıstrliktiń baspasóz qyzmeti habarlady.

Qoǵamdyq qabyldaýǵa elimizdegi birneshe memlekettik emes BAQ jetekshileri qatysyp, oı-pikirlerin, usynys-tilekterin ortaǵa saldy.

Máselen, "Dombyra", "Týrızm KZ" jáne Turkway  telearnalarynyń basshylary taqyryptyq, jekemenshik arnalardy da damytý jáne olarǵa memlekettik qoldaý qajettiligin sóz etse, jeke menshik basylym jetekshisi Meıramkúl Rahymbaeva qazaq tilindegi baspasózdi damytý jáne taratý máselesi boıynsha óz oılaryn jetkizdi.

Mınıstr óz kezeginde bul máselelerdi jaqsy biletindigin jáne mınıstrlik tarapynan josparly túrde is-sharalar atqarylyp jatqandyǵyn tilge tıek etti.

"Jekemenshik, shaǵyn, buqaralyq aqparat quraldarynyń da qoǵamdaǵy róli erekshe. Sondyqtan biz barynsha qoldaý kórsetýge ázirmiz. Memlekettik tapsyrys boıynsha teleónimder jasaýǵa keler jyldyń josparyna óz usynystaryn olar da bildirýge bolady"- dedi mınıstr.

Sońǵy jańalyqtar