29 Mamyr, 19:26 580 0 Zań Anar LEPESOVA

Aıaldamadaǵy adamdardy qaǵyp óltirgen júrgizýshige úkim shyqty

Almatyda aıaldamada turǵan adamdardy qaǵyp óltirgen júrgizýshige qatysty úkim shyǵaryldy,  dep habarlaıdy Polisia.kz.

Bir jyl buryn 2019 jyldyń 16 naýryzynda A.A.Tıpıkın  kólik quralyn júrgizý quqyǵynan aıyrylǵanyna qaramastan, óziniń “Toıota Korolla” kóligimen jolǵa shyǵyp, kisi ólimine sebepker bolǵan. 

– Bul qylmysker, ony tek osylaı ataýǵa bolady, buryn mas kúıinde kólik júrgizgeni úshin Almaty oblysynda júrgizýshi kýáliginen aıyrylǵan, ol sonda da ózine rólge otyrýǵa jáne úıden shyǵýǵa ruqsat bergen. Joldyń basqa paıdalanýshylarynyń ómiri men densaýlyǵyna qaýip tóndirgen ol, Táttibekov kóshesimen shyǵysqa bet aldy. Mas kúıinde birinshi qatardan ekinshi qatarǵa qysqa qashyqtyqta manevr jasap, júrgizýshi “Pejo” kóligimen soqtyǵysady. Tıpkınniń kóligi soqqydan óz traektorııasyn ózgertip, aıaldamaǵa kirip, úsh jaıaý júrginshini qaǵyp ketedi. Ári qaraı, qaldyq ınerııamen avtokólik jeke úıdiń qorshaýyn qaǵyp tastaıdy. Qudaıǵa shúkir, ol jerde eshkimge zııan tıgizbedi. Bári kúndiz, saǵat 12: 30-da bolady, – dedi  Almaty qalalyq PD Anyqtaý basqarmasynyń jol-kólik oqıǵasyn tergeý bólimi Raýan Manap.

Osy jol-kólik oqıǵasy saldarynan  1988 jyly týǵan G. jáne 1978 jyly týǵan A. esimdi er adam  qaıtys boldy. Almaty qalalyq sotynyń qylmystyq ister jónindegi sot alqasynyń 2019 jylǵy 4 qyrkúıektegi sheshimimen A.Tıpıkın myrza QR Qylmystyq kodeksiniń 346-baby 5-bóligi boıynsha aıypty dep tanyldy. Oǵan 8 jyl 6 aıǵa bas bostandyǵynan aıyrý jazasy jáne 10 jylǵa kólik quralyn basqarý quqyǵynan aıyryldy.

– Qazirgi ýaqytta sottalǵan T. esimdi er adam jazasyn ortasha qatań rejımdegi qylmystyq-atqarý júıesi mekemesinde ótep jatyr. Bıyl joǵaryda atalǵan baptyń sankııasy kúsheıtilgenin atap ótken jón, – dep tolyqtyrdy Raýan Manap.

Sońǵy jańalyqtar