28 Mamyr, 14:58 502 0 Qaýipsizdik Anar LEPESOVA

Áskerge shaqyrylǵandar 2 apta karantınde bolady

Sýret ınternetten alyndy
Sýret ınternetten alyndy

Ásker qataryna qabyldanǵandar 14 kún karantınde bolyp, PTR test tapsyrady. Bul týraly Almaty qalasy Qorǵanys isteri jónindegi departamenttiń basshysy Amantaı Óserbaev málimdedi. 

Departament basshysy ant qabyldaý rásimi barlyq sanıtarlyq normalardy saqtaı otyryp ótkiziletinin aıtty. Dese de, sharaǵa áskerge shaqyrýshylardyń ata-analary men týystary shaqyrylmaıdy.

«Tótenshe jaǵdaı rejımi aıaqtalǵanymen, qaýip áli bar. Sondyqtan áskerge shaqyrýshylardyń ata-analary, týǵan –týystary men dostary ant qabyldaý rásmine qatyspaıdy.Pandemııa kezinde bul múmkin emes. Balalaryńyz saltanatty jıyndy vıdeoǵa túsirip sizderge jibere alady»,–dedi Amantaı Óserbaev.

Onyń aıtýynsha, áskerge shaqyrylǵan árbir azamattyń densaýlyǵy qatań baqylaýda bolady.

«Koronavıýrs juqtyrǵandardy jibermeý úshin áskerge shaqyrylǵandar arasynda júıeli jumystar júrgizilip jatyr. Birinshiden, ákimniń sheshimine baılanysty medıınalyq komıssııanyń quramyna juqpaly aýrýlar mamany qosyldy jáne barlyq shaqyrý oryndarynda medıınalyq post qoıyldy. Iaǵnı árbir shaqyrylǵan azamattyń dene qyzýy tekserilip, birden juqpaly aýrýlar dárigerine barady»,-dedi A. Óserbaev.

 

Sońǵy jańalyqtar