27 Mamyr, 13:05 943 0 Zań Anar LEPESOVA

Bolat Baqaýovqa qatysty sot úkimi shyqty

Sýret ǵalamtordan alyndy
Sýret ǵalamtordan alyndy

Búgin Pavlodar qalasynyń qylmystyq ister boıynsha №2 sotynda eks-ákim Bolat Baqaýov isi boıynsha alǵashqy sot otyrysy Skype arqyly ótti.

Sot otyrysyna qatysqan pavlodarlyq prokýror Elena Belova Bolat Baqaýovty 3,5 jylǵa bas bostandyǵyn shekteýdi surady, dep habarlaıdy Azattyq ruhy.

Prokýror aıyptalýshynyń kinási tergeý, kýágerlerdiń jaýaptary jáne is boıynsha jınalǵan aıǵaqtarmen dáleldengenin aıtty. Sondaı-aq, eks-ákimniń memlekettik qyzmette, ulttyq kompanııalarda laýazymdar atqarý quqyǵynan jáne barlyq memlekettik marapattarynan aıyrýdy talap etti.

Aıyptalýshy Bolat Baqaýov kinásin tolyqtaı moıyndap, prokýrormen proessýaldy kelisimge keldi. Baqaýovtyń advokatynyń aıtýynsha, ol proessýaldy kelisimge óz erkimen kelgen.

«Aıyptalýshy Qylmystyq kodekstiń 361-baby, 4-bóliminiń 3-tarmaǵy boıynsha «qylmystyq quqyq buzýshylyq jasaýdyń aýyr zardaptaryna ákep soqqan laýazymdyq ókilettigin teris paıdalandy» degen aıyppen kináli dep tanyldy. Sot úkimi boıynsha ol 3,5 jylǵa bas bostandyǵynan aırylyp, ómir boıy memlekettik qyzmette laýazymdar atqarý quqyǵynan aıryldy», - dedi Pavlodar qalasynyń qylmystyq ister boıynsha №2 soty Nurlan Qaıyrbekov.

Eske sala keteıik, 2019 jyly qyrkúıek aıynda Pavlodar oblystyq memlekettik kirister departamenti «AksuTransLogistic» JShS-ine (kompanııanyń jalǵyz quryltaıshysy sol kezdegi oblys basshysy Bolat Baqaýovtyń týysy) tekseris júrgizip, 2014-2018 jyldar aralyǵynda bıýdjetke salyq tóleý esebin qarap shyqqan. Sol kezde kásiporynnyń 200 mıllıonnan astam teńgeniń salyǵyn tólemegeni anyqtalǵan.

Bul tekseris jaıynda sol kezdegi oblys ákimi (2019 jyldyń jeltoqsany) Bolat Baqaýov habardar bolyp, óziniń laýazymdyq ókilettilikterin paıdalaný arqyly oblystyq memlekettik kirister departamentiniń basshysy Aınabekovten tekseristiń naqty nátıjesin kórsetpeýdi, al tólenbegen salyqtyń kólemin 3-5 mıllıon teńgege deıin azaıtýdy talap etken.

«2020 jyldyń 8 qańtarynda Aınabekov Baqaýovtyń keńsesine kelip, onyń ótinishi oryndalǵany týraly habarlady. Ol salyq kólemi 3 mln 146 myń teńge somasyndaǵy JShS-ti tekserý nátıjelerin usynǵan. Sondaı-aq ol salyq tólemi 213 mıllıon 60 myń teńgeni quraıtyn tekserý nátıjeleriniń ekinshi jobasyn qatar usyndy. Baqaýov týysyna qońyraý shalyp, bastapqy somany tóleý kerektigin aıtty, sodan keıin 3 mıllıon 155 myń teńge tólendi», - dedi prokýror Belova.

Sońǵy jańalyqtar