27 Mamyr, 12:06 359 0 Ekonomıka Anar LEPESOVA

Qazaqstan munaı óndirý kólemin 4,5 paıyzǵa tómendetti

Koronavırýs pandemııasy saldarynan elimizde munaı óndirý kólemi azaıǵan.  Bul týraly QR Energetıka mınıstri Nurlan Noǵaev málimdedi. 

«Memleket basshysynyń jarlyǵymen ótken jyly Ekologııa, geologııa jáne tabıǵı resýrstar mınıstrligi quryldy jáne Energetıka mınıstrliginiń qorshaǵan ortany qorǵaý salasyndaǵy fýnkııalary men ókilettikteri jańa qurylǵan mınıstrlikke aýysty. Qazirgi tańda Energetıka mınıstrliginiń qyzmeti kelesi strategııalyq baǵyttarǵa jikteledi: munaı jáne gaz salasyn damytý, trategııalyq baǵyttardy júzege asyrý, elektr energetkasy, atom energetkasy, jańartylǵan energııa kózderin paıdalaný salalary. Álemge taralǵan koronavırýstyń órshýi energo resýrstarǵa da aıtarlyqtaı áser etti. Biz de ózimizdiń jyldyq josparymyzdy álemde qalyptasqan jaǵdaıǵa sáıkes rettep, biraz túzetý engizdik», - deıdi Energetıka mınıstri halyq aldynda esep berý kezdesýinde.

Nurlan Noǵaev Qazaqstan qara altyn óndirisin qanshalyqty tómendetkenin aıtty.

«Birinshiden, 2019 jyly munaı óndirý 90,5 mln tonnany quraǵan bolatyn. Alaıda munaı baǵasynyń qubylmalyǵy jáne pandemııa kezinde álemdik ekonomıkanyń turaqsyz damý jaǵdaıynda bıyl munaı óndirý josparyn 86 mln tonnaǵa, ıaǵnı 4,5%-ǵa tómendettik», - deıdi vedomstvo basshysy.

 

Sońǵy jańalyqtar