26 Mamyr, 18:40 2324 0 Jańalyqtar Asyl TUMAR

Poıyz vagonynyń ústine minip sýretke túspek bolǵan jigit kúıip qaldy

Sýret ǵalamtordan alyndy
Sýret ǵalamtordan alyndy

Jambyl oblysynda poıyzdyń vagon-ısternasyna minip, fotoǵa túspek bolǵan Shý qalasynyń 20 jastaǵy turǵyny kúıip qaldy, – dep habarlady jergilikti Polıııa departamentiniń baspasóz qyzmeti.

QazAqparat usynǵan aqparatta 24 mamyr kúni Shý qalalyq aýrýhanasynyń qyzmetkerinen jedel medıınalyq járdem brıgadasynyń kúıik shalǵan jas jigitti shuǵyl jetkizgeni týraly habarlama kelip túskeni jazylǵan. Tekserý barysynda polıeıler zardap shekken azamattyń Shý qalasynyń 20 jastaǵy turǵyny ekenin anyqtady.

«Bul azamat 24 mamyr kúni saǵat 20.30-da fotosýretke túsý úshin Shý stanııasy parkiniń elektrlendirilgen jolyndaǵy júk poıyzynyń quramynda turǵan vagon-ısternaǵa órmelep shyqqan. Abaısyzda ol joǵary voltty jeli symyna túsip qalǵan. Nátıjesinde ol 50 paıyz dene jáne aıaq-qolynyń I-II-III dárejeli elektrotermııalyq kúıigin aldy. Bul fakt QR QK-niń 344-baby 1-bóligi, ıaǵnı, temir jol kóligi qozǵalysynyń qaýipsizdik erejelerin buzý faktisi boıynsha sotqa deıingi tergeýdiń biryńǵaı tiziliminde tirkeldi. Jazataıym oqıǵa boıynsha tergep-tekserý amaldary júrgizilýde», – delingen KPD baspasóz qyzmetiniń habarlamasynda.

Sondaı-aq, Kóliktegi polıııa departamentiniń bastyǵy Ońal Bekeevtiń aıtýynsha, bıyl jyl basynan beri kólik polıeıleri temir jol tóseminiń belgilenbegen jerinen ótken 9 569 azamatty anyqtap, ákimshilik jaýapqa tartqan. Sonymen qatar, adamdardyń bolýyna baılanysty poezdardy shuǵyl tejeýdiń 184 faktisi tirkelgen. Onyń ishinde aǵymdaǵy kezeńde temir jol kóliginen jaraqat alýdyń 44 faktisi tirkelip, ókinishke qaraı onyń jartysynan kóbi qaıtys bolǵan.

«Temir joldar – jeke qaýipsizdik talaptaryn saqtaǵan azamattar úshin qaýipti emes. Árbir azamat qaýipsizdik talaptaryn tolyq oryndaýǵa mindetti. Bul óz densaýlyǵy men ómiri úshin óte mańyzdy», – dedi polıııa polkovnıgi.

Sońǵy jańalyqtar