26 Mamyr, 17:51 527 0 Jańalyqtar Asyl TUMAR

Elordany tolyǵymen gazdandyrý máselesi qashan sheshiledi – ákimdik jaýaby

Sýret ǵalamtordan alyndy
Sýret ǵalamtordan alyndy

Elordany tolyǵymen gazdandyrý 2025 jyly aıaqtalady dep josparlanǵan. Alaıda bul másele mejeli ýaqyttan eki jyl erte sheshilýi múmkin. Bul týraly Nur-Sultan qalasy ákiminiń orynbasary Altynbek Qaısaǵalıev málimdedi, – dep jazdy QazAqparat.

«Nur-Sultan qalasynda 22 myńnan astam turǵyn úı bar. Sonyń bári tabıǵı gazǵa aýystyrylady. Qazir olar janar-jaǵarmaı arqyly nemese kómirmen jylytylyp otyr. Iaǵnı aýaǵa shyǵarylatyn zııandy zattar óte kóp. Úsh kezeńnen turatyn qalany gazdandyrý baǵdarlamasy qabyldanǵan. Úsh kezeńniń birinshisine kirisip kettik. Birinshi kezeńniń ózi 9 iske qosý kesheninen turady. Onyń bári boıynsha konkýrstyq proedýralar ótip, búgingi kúni merdiger kompanııalar belgilenip, qurylys jumystary bastalyp ketti», – dedi «ASTANA TV» telearnasyndaǵy Elorda live-ta bergen suhbatynda.

Qala ákiminiń orynbasarynyń aıtýynsha, josparǵa sáıkes 2025 jylǵa deıin Nur-Sultan qalasyn tolyǵymen gazben qamtý jospary bar.

«Degenmen, búgingi kúni jumys qarqyndy júrgizilip jatqandyqtan, qarajat ýaqytynda bólinip, ister tyndyrylatyn bolsa – 2023 jylǵa deıin úsh kezeń boıynsha jumysty tolyqtaı aıaqtaǵymyz kelip otyr», – dedi ol.

Sonymen qatar, ol bıyl qalanyń qaı turǵyn úı alaptaryna gaz qosylatynyn aıtyp ótti.

«Nur-Sultan qalasyna alǵashqy gaz bıyl Kóktal-1, Kóktal-2, Agroqalashyq turǵyn alaptaryn gazben birinshi kezeńde qamtıtyn bolamyz. Bıyl sonymen qatar jeke turǵyn úıler de gazǵa qosylady. Odan bólek osy jyly gazǵa qosylatyn memlekettik jáne memlekettik emes áleýmettik nysandar da bar. Bul keshendi túrde júrgiziletin jumys», – dedi Altynbek Qaısaǵalıev.

Sońǵy jańalyqtar